Otbasy künınde otau tıktı
Halyqaralyq otbasy künı aiasynda Nūr-Sūltan qalasy äkımdıgınıŋ janyndaǧy Äielder ısterı jäne otbasylyq-demografiialyq saiasat jönındegı komissiiasynyŋ bastamasymen jäne Esıl audany äkımdıgınıŋ qoldauymen, bes bırdei astanalyq jūpqa neke kuälıgın tabystau räsımı saltanatty türde öttı. Neke qiiuǧa ötınış bıldırgen jastar ärtürlı salada eŋbek etedı. Arasynda mūǧalım, därıger, käsıpkerler bar.
Olar özderınıŋ otbasylyq ömırınıŋ alǧaşqy qadamyn Esıldıŋ sol jaǧalauyndaǧy «Bäiterektıŋ» biıgınde jasauyn jaqsylyqqa balap, maŋyzdy sät ekenın aitty. Qazaqy ūǧymymyzda jaiqalǧan bäiterektei japyraq jaiyp, ormanǧa ainalsyn degen ūǧym jūbailardyŋ bügıngı arman-tılegımen ūştasyp jatty.
Jastardyŋ quanyşymen bölısıp, jas jūbailardyŋ ömırındegı alǧaşqy maŋyzdy sättıŋ kuäsı boluǧa kelgen tuǧan-tuystarymen bırge Qazaqstan Respublikasy Aqparat jäne qoǧamdyq damu vise-ministrı Serık Egızbaev, Esıl audany äkımı Asylbek Esenbaev, Nūr-Sūltan qalasy äkımdıgı janyndaǧy Äielder ısterı jäne otbasylyq-demografiialyq saiasat jönındegı komissiiasynyŋ hatşysy Qarlyǧaş Sarkenova da kelıp, qūttyqtady.
Vise-ministr Serık Egızbaev atap ötkendei, statistikaǧa säikes, Qazaqstanda nekelerdıŋ eŋ köbı köktemde tırkeledı eken.
– «Mahabbattyŋ qūdıret küşı äldildep, tabystyrǧan ekı jastyŋ jüregın» degen öleŋ joldaryndai sızder būl ömırde bır-bırlerıŋızdı tauyp, ömırge bırge qadam basyp jatyrsyzdar! Osyndai quanyşty künı bırınşıden, ata-analaryŋyzdy qūttyqtaimyn. Ärbır ata-ana üşın ülken baqyt – özderınıŋ balalarynyŋ baqytyn köru. Bügıngı qūryp jatqan şaŋyraqtaryŋyz biık bolsyn, keregelerı keŋ bolyp, qazandaryŋyz qaspaqty, balalaryŋyz on şaqty bolsyn» degen jarasymdy lebızımen jastardyŋ tolqyǧan jüzderıne äsem külkısın üiırıp, jiylǧan jūrtty bır serpılttı.
Jastarmen äŋgımelesu barysynda ömırge maŋyzdy qadam basqaly tūrǧan jūbailardyŋ otbasy qūndylyqtary, aldaǧy ömırı turaly oiy toqtaǧan, qazaqy dästürlerdıŋ alǧa aparuşy mındetterın tüsınetını quantty.
Esıl audandyq AHAJ bölımınıŋ basşysy Rauşan Zarirova: «ūlttyq salt-dästürdı saqtap, bala tärbiesınde adamzattyq ūlttyq qūndylyqtarǧa negızdelse, otbasynyŋ ırgesı myqty bolady. Äleumettık orta da jas jūbailarǧa yqpaldasyp, olardyŋ önegelı otbasy boluyna müddelı. Bız qoǧamymyzda ajyrasudyŋ az bolǧanyn qalaimyz, sondyqtan otbasy institutyn keŋınen nasihattauǧa tyrysamyz» dedı.
Būl saltanatty räsım Otbasy künıne orai elordada ötetın ıs-şaralardyŋ şymyldyǧyn türdı. Mūndai maǧynaly şaralar otbasy märtebesın köterıp, ortaq qūndylyqtardy därıpteude orny erekşe bolmaq.