Aldyŋǧy künı Astana ormanynyŋ oŋ jaq qanatynan tura säske tüste qoiu tütın būrq ete qaldy. Quraǧan aǧaştardyŋ qyzyl jalyny lezde küş alyp, ainalasyn jalmap kele jatqan. Sol kezde dabyl boiynşa atqa qonǧan Astana qalasynyŋ Tötenşe jaǧdailar departamentınıŋ ört söndıruşılerı oqiǧa ornyna jedel jetıp, tılsız jaumen arpalysqa tüstı.
Ormandaǧy oqu-jattyǧu
Būl arnauly qyzmettıŋ ädettegı oqu-jattyǧuy bolatyn. Arnaiy şaraǧa tek Tötenşe jaǧdailar departamentınıŋ mamandary ǧana emes, «Jasyl aimaq» RMK, «Zelenstroi» AQ, «Astana su arnasy» MKK, Astana ormanynyŋ qyzmetkerlerı de tartyldy. Sondyqtan būl jolǧy oqu-jattyǧuda bırneşe qyzmettıŋ bırlesıp äreket ete bıluıne jete män berıldı.
Astana qalalyq Tötenşe jaǧdailar departamentınıŋ basşysy Barat Dūzaqbaev otyzǧa juyq arnaiy tehnika men mamandardyŋ daiyndyǧyn özı tekserıp şyqqannan keiın jattyǧu bastaldy. Orman şetınde şartty türde bastalǧan ört oqiǧasynda tiıstı qyzmetterdıŋ tehnikalary men adam küşın retımen jūmyldyra bılu şeberlıgı synǧa tüstı. Kelesı kezekte ainalasyna jaqyndau mümkın emes ırıleu şartty ört oqiǧasyna K-32 tıkūşaǧy jūmyldyryldy. Äuege şapşaŋ köterılgen tıkūşaq äuelı ört aumaǧyna jedel barlau jürgızdı de, sodan soŋ tiıstı jerge ūşyp baryp, auqymy tonnalyq su syiatyn ülken qūtyny ılıp alyp, kökke qaita köterıldı. Sosyn arnaiy tehnikalardyŋ jaqyndauyna mümkındık bolmai tūrǧan ört aumaǧy üstınen ūşyp, töbesınen qūtydaǧy sudy aqtaryp öttı. Jalyn säl bäseŋdegende, daiyn tūrǧan mamandar men tehnikalar da ıske kırıstı. Söitıp, orman şetınde äldekımderdıŋ laqtyryp ketken temekı tūqylynan şyqqan ört jarty saǧattyŋ ainalasynda söndırıldı.
Oqu-jattyǧu barysyn jıtı qadaǧalaǧan Barat Dūzaqbaev bastaǧan sarapşy top mamandardyŋ şartty ört oqiǧasy barysyndaǧy ıs-äreketın joǧary baǧalady.
– Bügıngı şaraǧa bızdıŋ departamentten 27 arnaiy tehnika men jeke qūramnyŋ 65 qyzmetkerı jūmyldyrylǧan bolatyn. Olar oqiǧa barysynda özge de salalyq qyzmettermen bırlesıp, sauatty äreket ete bıldı. Mūndai oqu-jattyǧulardyŋ dala örtterın jedel auyzdyqtauǧa ülken septıgın tigızerı sözsız. Sızderge qyzmet barysynda tek qana sättılık tıleimın! – dedı B.Dūzaqbaev.
Jyl basynan 149 ört söndırılgen
Astana qalalyq Tötenşe jaǧdailar departamentı ört söndıru jäne apattyq-qūtqaru jūmystarynyŋ basşysy Marǧūlan Amanbaevtyŋ aituynşa, elorda aumaǧyndaǧy dalalyq jerlerde, saiajai alqaptarynda jyl basynan berı 149 ört oqiǧasy bolypty. Degenmen, arnaiy mamandardyŋ jedel ıs-äreketı arqasynda tılsız jau bırden auyzdyqtalyp otyrǧan.
– Oraiy kelgende aita keteiık, Elbasymyzdyŋ tıkelei bastamasymen boi kötergen Astana ormany bızdıŋ airyqşa nazarymyzda. Būl orman alqabynyŋ aumaǧy bügınde 14 myŋ gektardy qamtidy. Al orman ışınde jalpy sany 11 mln tüpke juyqtaityn türlı aǧaştar ösedı. Qūdaiǧa şükır dep aitaiyq, orman aumaǧynda ört oqiǧasy tırkelıp körgen joq. Jaz boiy, negızınen, dalalyq jerlerde ǧana ört boldy. Qala maŋynda ornalasqan saiajailarda da, ökınışke qarai, ört oqiǧasy jiı tırkeledı. Qyzyl jalynnyŋ 99 paiyzy adamdardyŋ qauıpsızdık şaralaryn saqtamauy saldarynan bolady. Äsırese, küzgı jäne qysqy mezgılderde. Öitkenı, kün salqyndaǧanda, saiajaida tūratyndar, qala maŋyna qonystanǧandar elektr jabdyqtaryn jiı qoldana bastaidy, otyndy da köbırek paidalanady. Sol kezde qauıpsızdık şaralaryna män bermeidı. Oraiy kelgende aita keter jai, biyl saiajailarda, qala maŋynda ört oqiǧalary būrynǧy jylmen salystyrǧanda köp boldy, – dep qynjylys bıldırdı Marǧūlan Amanbaev.
Jaz ailary – tabiǧat aiasynda demaluǧa taptyrmaityn mezgıl. Bıraq demalys kezınde Tötenşe jaǧdailar departamentınıŋ arnaiy eskertpelerıne qūlaq asqan jön-au. Temekı tūqylyn mūqiiat söndırıp, sırıŋke qaldyqtaryn şaşpai, jaqqan otymyzdy da äbden öşırıp, tazalap jürsek, köptegen qaiǧyly oqiǧalardyŋ aldyn alarymyz sözsız.
Meŋdolla ŞAMŪRATOV
