Jeŋıs künıne orai otyryp oinaityn voleiboldan Astana qalasynyŋ turnirı öttı, dep habarlady astana-akshamy.kz
Soŋǧy jyldary elımızde mümkındıgı şekteulı jandardyŋ arasynda otyryp oinau voleiboly qarqyndy damyp keledı. Onyŋ bır dälelı, 2023 jyly Astana qalasynda ötken Para Aziia chempionatynda Qazaqstan ūlttyq qūramasy araǧa 28 jyl salyp, Parij Paralimpiadasyna qatysuǧa mümkındık aldy.
«Elordamyzda osy sporttyŋ türınıŋ damyp jatqanyna 7 jyldan astam uaqyt öttı. Qazırgı uaqytta erler, äielder, jastar, ardagerler komandalarymyz bar.
2023 jyly erlerımız Taraz qalasynda ötken Qazaqstan kubogynda top jarsa, äielder qūramasy tek Astana qalasynda ǧana bar. Olar ötken jyly bırınşı ret Para Aziia chempionatyna qatysyp, 7-orynǧa tūraqtaǧan bolatyn. Ardagerlerımız de Qazaqstanda TOP-3-ke kıredı», – dedı Astana qalasynyŋ erler jäne äielder qūramasynyŋ bas bapkerı Medeu Abenov.
Däl qazırgı sätte Astana qalasy boiynşa 40-qa juyq käsıbi para voleibolşy bar.
«24-31 mamyr künderı Astanamyzda Qazaqstan chempionatynyŋ bırınşı tury bastalady.Bügıngı turnirımız sol bırınşılıkke daiyndyq dep aituymyzǧa bolady», – dedı M.Abenov.
Bügıngı bäsekede jalpy sany 4 komanda öner körsettı.
«2019 jyly nauryz aiynda Astana qalasynda 3 avtobustyŋ soqtyǧysqanyn barlyqtaryŋyz estıgen bolarsyzdar.Mıne sol jol-kölık apatynda bır aiaǧymnan aiyryldym. Alaida mūny synaq dep qabyldap, alǧa ūmtyludy jalǧastyrdym. Mektep kezde voleiboldy jaqsy oinaǧan edım. Köp oilanbai, 2020 jyly osy sport türıne keldım. 4 jyl ışınde özımdy jaqsy qyrymnan körsetıp, komandanyŋ kapitany atandym. Elımızde bızden basqa äielder komandasy joq.Bıraq bız chempionatta erlermen bırge saiysqa tüsemız. 2023 jyly alǧaş ret Para Aziia chempionatyna qatysyp, ülken täjıribe jinadyq. Osy jyly bırınşı ret Omby qalasynda ötetın halyqaralyq dodaǧa qatyspaqşymyz», – dep äielder komandasynyŋ kapitany Farida Kabulova öz oiymen bölıstı.
Aita keteiık, atalmyş para sportşylar tek qana otyryp oinaityn voleibolda ǧana emes, para kanoe, para hokkei, bochcha t.b bırneşe para sport türlerımen ainalysyp keledı.
