Astanada erekşe formatta ekoaksiia ötkızıldı, dep habarlaidy astana-akshamy.kz
«Taza Qazaqstan. Astana – tazalyq pen tärtıptıŋ ülgısı» ekologiialyq aksiiasy aiasynda BI Group holdingımen bırlesıp Esıl audanynyŋ äkımdıgınıŋ ūiymdastyruymen elordalyq Prezidenttık saiabaqta kino körsetılım öttı.
«Köktemnıŋ jyly künınde astanalyqtar bır kündı otbasymen bırge ötkıze alady. Balalarǧa arnalǧan tegın baǧdarlama ūiymdastyryldy, olarǧa animatorlar oiyn ötkızedı, akvagrim, sahnada siqyrşylar jūmys ısteidı.Sonymen qatar «Hatiko» filmınıŋ keşkı körsetılımın ūiymdastyrdyq jäne kıre berıste körpeler tarattyq. Ekologiialyq aksiianyŋ būl bastamasy barşamyzdy tuǧan jerımızdı taza etu maqsatynda bırıktıruge arnalǧan», – dep atap öttı Esıl audany äkımdıgınıŋ ışkı saiasat bölımınıŋ basşysy Äli Joltabar.
Aksiiany ūiymdastyruşylardyŋ aituynşa, ıs-şaranyŋ maqsattarynyŋ bırı – qala tūrǧyndarynyŋ mınez-qūlqynyŋ jaŋa ekologiialyq mädenietın qalyptastyru. Piknikten keiın qonaqtar saiabaqtyŋ aumaǧyn taza qylyp, qoqystardy jinap kettı.
«Bız bügıngı künge öte quanyştymyz! Būl – jaǧymdy energiia men quanyşqa toly öte jaqsy sät. Otbasymyzben ekoaksiiaǧa qatystyq, ıs-şaraǧa qatysqan adamdar sanynyŋ köptıgıne taŋ qaldyq. Maǧan balalar üşın animatorlar, bet boiaulary, siqyrşylar siiaqty qyzyqty baǧdarlama ūiymdastyrylǧany ūnady. Olar basynda qai jaqqa qararlaryn bılmedı. Osyndai keremet piknik üşın ūiymdastyruşylarǧa raqmet», – dedı elorda tūrǧyny Kamila Tölemısova.
Keşke saiabaq qonaqtary üşın aşyq aspan astynda kino körsetılımı ūiymdastyrylady. Aita ketu kerek, ekoaksiiaǧa 1000-nan astam adam keldı.
Astanada «Taza Qazaqstan. Astana – tazalyq pen tärtıptıŋ ülgısı» auqymdy ekologiialyq aksiianyŋ osy aptasy «Möldır būlaq» dep atalady. Būl aptada su aidyndary – özender men kölderdıŋ ainalasy qoqystan tazartylady.
