Filarmoniialyq orkestr Esıl jaǧalauynda konsert qoidy, dep habarlaidy astana-akshamy.kz
Astanada Jeŋıstıŋ 79 jyldyǧyn toilau aiasynda E.Rahmadiev atyndaǧy Memlekettık akademiialyq filarmoniianyŋ simfoniialyq orkestrı Esıl özenınıŋ jaǧalauyndaǧy jaiau jürgınşılerge arnap öner körsettı. Şeru barysynda barlyǧyna ūnaityn ärı tanys şyǧarmalar oryndaldy.
Qalyptasqan dästür boiynşa tūrǧyndar köp jinalatyn elordanyŋ ortalyq saiabaǧynda äskeri muzykanttar qala tūrǧyndary men qonaqtaryn Jeŋıs künımen qūttyqtap, öner körsettı.
Muzykalyq marş «Kenesary han» eskertkışınen bastalyp, ortalyq saiabaqtyŋ «Amfiteatr» aumaǧyna deiın jalǧasty.
«Bügın qalada merekelık köŋıl-küi ornap, konsertter qoiylyp, jastar ardagerlerdı qūttyqtap jatyr. Jastarymyzdyŋ tarihty eske alyp, ıs-şaralarǧa qatysyp jatqanyna öte quanyştymyn. Orkestr bügın menıŋ süiıktı şyǧarmalarymdy oryndady», – dep öz äserımen bölıstı elorda tūrǧyny.
Esterıŋızge sala keteiık, Astana äkımdıgınıŋ qaulysymen Jeŋıstıŋ 79 jyldyǧyna orai Ūly Otan soǧysy ardagerlerıne tölenetın tölemaqy mölşerı ekı esege östı. Osylaişa, ŪOS ardagerlerıne 2 mln teŋge berıldı. Qazırgı uaqytta elordada Ūly Otan soǧysynyŋ jetı ardagerı tūrady.
