Astanada «Taza Qazaqstan. Astana – tazalyq pen tärtıptıŋ ülgısı» auqymdy ekologiialyq aksiia ötıp jatyr, dep habarlaidy astana-akshamy.kz
«Möldır būlaq» dep atalǧan osy aptadaǧy aksiia barysynda su aidyndary – özender men kölderdıŋ ainalasy qoqystan tazartylady.
Ekoaksiia aiasynda jastar memlekettık jäne basqa da qūrylymdardyŋ qyzmetkerlerımen bırlesıp, Qarasai batyr köşesınen N. Tılendiev köşesıne deiıngı aumaqtaǧy Sarybūlaq özenınıŋ jaǧasyn tūrmystyq qatty qaldyqtardan tazartu jūmystaryn jürgızdı.
Ekoaksiianyŋ 1000-nan astam qatysuşysy Sarybūlaq özenınıŋ jaǧasynan 200 tonnadan astam qoqys jinady.
Qoqysty şyǧaru üşın 190 bırlık tehnika tartyldy, onyŋ ışınde 110 jük kölık, 80 tiegış qamtyldy.
«Atqarylǧan jūmystardyŋ qajettılıgı aǧyn aumaqtaryn QTQ-dan tazartumen ǧana bailanysty emes, sonymen qatar ekologiia men qorşaǧan ortany saqtau jönındegı jūmystardyŋ bır bölıgı bolyp sanalady.Osyǧan ūqsas jūmystar «Nūra-Esıl» arnasynda, «Aqbūlaq» jäne «Qarasu» özenderınde jürgızılude», – dep habarlady Astana qalasy Qorşaǧan ortany qorǧau jäne tabiǧatty paidalanu basqarmasy.
Mūndai ekoaksiialar tūraqty negızde jürgızıledı.
Ekoaksiiaǧa qatysuşylar bırneşe saǧat boiy elordalyq özennıŋ janynda tazalyq jürgızıp, köp mölşerde qoqys jinap, ainalany aralap kördı.
Esterıŋızge sala keteiık, auqymdy ekoaksiia aiasynda qalany sanitarlyq tazartu, nöser jäne aryq kanalizasiiasy, köşelerdı,trotuarlardy, oramışılık aumaqtardy, qoǧamdyq keŋıstıkter men aulalardy tazalau jūmystary jürgızılude.
Sondai-aq, jasyl jelekterdı kütıp-ūstau jäne otyrǧyzu, sauda nysandaryna ırgeles aumaqtardy jinau, kögaldar men gülzarlar ornatu, rūqsat etılmegen poligondardy joiu jäne t. b. jūmystar jürgızılude.
