Astanadaǧy Ūlttyq muzeidıŋ qorynda körnektı memleket jäne qoǧam qairatkerı Özbekälı Jänıbekovtyŋ «senzor» qaişysy men bäkısı saqtalǧan.
Būl jädıgerlerdı mūrajaiǧa 2015 jyly Almatyda ötken «Ūlttyq muzeige syi tartu» aksiiasynda ardaqty tūlǧanyŋ nemeresı Azel Bauyrjanqyzy tapsyrǧan.
Özbekälı aǧamyzdyŋ ūlt mädenietınıŋ damuyna qosqan ülesı mol. Ol kısı ötken ǧasyrdyŋ 70-şy jyldary Qoja Ahmet Iаsaui kesenesınıŋ qalpyna keltıruıne ūitqy boldy. Onyŋ bastamasymen elımızdıŋ köptegen qalalarynda tarihi-etnografiialyq mūrajailar aşylyp, «Şerter», «Adyrna», «Altynai» jäne t.b. folklorlyq ansamblderı ūiymdastyryldy. «Nauryz» meiramyn alǧaş toilauǧa da küş saldy. Sondai-aq ol jariialyq jelı oŋynan soqqan kezde alaş arystary esımderın aqtauǧa da belsene atsalysty.
Qairatkerdıŋ «ötkır qaişysy» turaly aŋyz köp. Ol kısı aldyna kelgen qūjattardan qate körse, däl osy qaişymen ortasynan qaq böledı eken. Būl jaiynda belgılı ǧalym-synşy Qūlbek Ergöbektıŋ «Bas muzeişı» atty maqalasynda äserlı baiandalǧan. «Muzei ısınde ekspozisiialyq jospar jasalady. Ädette, Özekeŋ jasaqtalyp jatqan muzei qyzmetkerlerın senbı ne jeksenbıge şaqyratyn. Şaqyrǧan uaqytynda baramyz. Jazǧanymyzdy aldyna qoiamyz. Ol kısı şimailai bastaidy. Bızdıŋ bastapqy jazuymyzdan tamtyq ta qalmaidy. Bızdı qoişy, qyzdy-qyzdymen özı jazǧan betterdı de qaita şimailauǧa kırısedı. «Özımen bırge jasasyp kele jatqan» (M.Joldasbekov) ūzyn qaişysy bolady. Sonymen älgı jazylǧan paraq-paraq jazulardy qyrqady, jelımdeidı, maşinkaǧa beredı. Tasqa basylyp, qaita oralyp kelgen mätındı qaita jöndeidı. «Apyr-ai, būl kısı de şarşai ma eken?» dep oilaitynbyz ärı-berıden soŋ…» dep jazady Qūlbek aǧamyz.
