Taiauda Nūr-Sūltan qalasynyŋ äkımı Altai Kölgınov Sarybūlaq özenınıŋ jaǧdaiymen tanysyp, su aidyny ekologiialyq apat aldynda tūrǧanyn atap öttı. Özendı qaita qūru jūmystary tym sozylyp ketkenın aityp, şūǧyl tapsyrmalardy berdı.
Nūr-Sūltan qalasy boiynşa Ekologiia departamentı basşysynyŋ mındetın atqaruşy Janbolat Qairanbekovtıŋ aituynşa, Sarybūlaq özenınıŋ jaǧdaiy kürdelı. Osy özenge tört tazartu qūrylǧysynan sarqyndy sular tögıledı. Sonyŋ bırın 3-JEO aumaǧynda saluyn salyp, iesız qaldyrǧan. PMK-6 aumaǧyndaǧy osyndai qūrylǧy jaŋǧyrtylǧan. Bıraq oǧan qyzmet körsetetın käsıporynǧa älı tapsyrylmaǧan. Qūrylǧynyŋ emissiiaǧa rūqsaty joq bolsa da, odan Sarybūlaqqa ziian kelıp jatyr.
Taiburyl men Aǧadyr köşesındegı su aidyny qatty lastanǧan. Jer üilerden şyǧatyn barlyq sarqyndylar oǧan kelıp tögıledı. «Jeke sektordaǧy şaruaşylyq-tūrmystyq sarqyndylarmen qosa, zaŋsyz qoqys üiındılerı Sarybūlaqty lastauda. Äkımdık būl aumaqty ai saiyn tazalap otyrsa da, arada az uaqyt ötkende qaitadan qoqysqa tolyp ketedı. Ekı tazartu qūrylǧysynan sarqyndy sular kışı Taldykölge tögıletının anyqtadyq. Būl qūrylǧylar jaŋadan salyndy. Olardyŋ jūmys ıstep jatqanyna ekı jyl boldy. Bıraq tiıstı jūmystarǧa rūqsat beretın qūjattary älı joq» deidı ekolog.
«Qazgidromet» käsıpornynyŋ mälımetınşe, elordadaǧy Esıl jäne Sarybūlaq özenderındegı su sapasynyŋ deŋgeiı sapanyŋ törtınşı sanatyna jatady. Esılge qaladaǧy jetı tazartu qūrylǧysynan sarqyndy sular tögıledı. Būl tört qūrylǧy «Astana su arnasy» käsıpornyna, üşeuı «Astana Tazalyq» jauapkerşılıgı şekteulı serıktestıgıne tiesılı. Būǧan qosa, Kenesary köşesı men «Köktal» tūrǧyn alabynda qorşaǧan ortaǧa emissiiaǧa rūqsaty joq ekı tazartu qūrylǧysynan da Esılge sarqyndy sular tögılıp jatyr.
J.Qairanbekovtıŋ mälımdeuınşe, taǧy bes tazartu qūrylǧysy Aqbūlaq özenın lastap jatyr.
– Sondai qūrylǧylardyŋ bırı 2-JEO aumaǧynda ornalasqan. Qūrylǧynyŋ iesı de, eşqandai rūqsat qaǧazdary da joq. «Astana Tazalyq» JŞS ielıgındegı №1 jäne №2 tazartu qūrylǧylary Ş.Qūdaiberdıūly köşesı boiynda ornalasqan. Osy qūrylǧylar men «Astana su arnasyna» tiesılı sorǧy-süzgı stansasynan da Aqbūlaq özenıne sarqyndy sular tögılude. J.Täşenov köşesınıŋ basyndaǧy jinaqtauşy toǧannan su tazartylmai, özenge tögıledı. Neşe jyldan berı osy keleŋsızdıktı joiu turaly toǧanǧa jauapty qalanyŋ Otyn-energetikalyq keşenı jäne kommunaldyq şaruaşylyq basqarmasyna hat jazyp, jıberıp jatyrmyz. Bıraq basqarma tarapynan eş äreket bolmai tūr, – deidı J.Qairanbekov.
Jalpy, elordanyŋ Ekologiia departamentı byltyr su aidyndaryna qatysty bes tekseru ötkızgen. Sonyŋ qorytyndysynda anyqtalǧan zaŋsyzdyqtardy joiuǧa bailanysty bes eskertu qūjaty toltyrylǧan. Alaida onyŋ bıreuı ǧana oryndalǧan. Törteuı boiynşa materialdar sotqa jöneltılgen. Sottyŋ qarauynan soŋ zaŋsyzdyqqa jol bergenderge 3,5 mln teŋge somasyna aiyppūl salyndy. Biyl da «Astana Tazalyq» JŞS – 17 mln teŋge, al «Astana su arnasy» käsıporny 70 mln teŋge kölemındegı aiyppūlǧa ılıkken.
