Öz ortasyna qaiyrymdy, meiırımdı bola bılgen jannyŋ dostary da, syilasatyn zamandastary da köp bolady. Ersūltan Bektūrǧanov jauapty qyzmetter atqaryp, el aldynda jürse de, qarapaiym qasietınen ainymaǧan azamat, bügınde Nūr-Sūltan qalasynda tūrady.
Ol 1976 jyly Jambyl jeŋıl jäne tamaq önerkäsıbı tehnologiialyq institutyn bıtırıp, injener-mehanik mamandyǧyn alyp şyǧady. Eŋbek jolyn atalǧan bılım ordasynda oqytuşylyq qyzmetten bastaidy. Tehnologiia salasyn meŋgeruge den qoiǧan şäkırtterdı tärbielep, bılım jäne ǧylymnyŋ keŋ qanat jaiuyna atsalysty.
Odan keiın Jambyl elektr jelılerı käsıpornynyŋ aǧa injenerı, sala basşysy boldy. Iskerlık jäne şeber ūiymdastyruşylyq qabıletı joǧary baǧalanyp, saiasi-äkımşılık qyzmetke şaqyryldy. Sol kezdegı Taldyqorǧan oblysy, Qapal audandyq komitetınde (1983-1991) jäne oblys ortalyǧynda eŋbek ettı. Täuelsızdıktıŋ taŋy atqan kezeŋde Taldyqorǧan oblystyq äkımşılıgı apparatynyŋ basşysy, Jetısu öŋırı boiynşa Monopoliiaǧa qarsy komitetınıŋ töraǧasy (1991-1993) jauapty qyzmetterın atqardy.
Sodan keiın syrtqy saiasat salasyna auysty. QR Syrtqy ıster ministrlıgınıŋ ekınşı hatşysy, Qazaqstannyŋ Germaniiadaǧy elşılıgınıŋ bölım meŋgeruşısı (1993-1995) boldy. 1995-2012 jyldar aralyǧynda QR Prezidentı Äkımşılıgınde jemıstı jūmys jasady. Äsırese, memlekettık qyzmet jäne kadr saiasaty bölımınıŋ meŋgeruşısı retınde osy ırgelı ūjymǧa käsıbi bılıktılıgı joǧary mamandardyŋ qabyldanuyna, olarǧa qoiylatyn talaptardyŋ bırızdılıkke tüsuıne qosqan ülesı öte mol. Ärıptesterı onyŋ elımızde memlekettık qyzmet salasynyŋ jetıluıne, jan-jaqty qalyptasuyna sıŋırgen eŋbegı köp ekenın aitady.
2012-2021 jyldary QR Parlamentı Mäjılısınıŋ deputaty boldy. Būl jerde bılımı men ömırlık mol täjıribesın zaŋ şyǧarmaşylyq qyzmetke arnady. Mäjılıstıŋ Halyqaralyq ıster, qorǧanys jäne qauıpsızdık komitetınıŋ müşesı bolyp, Qazaqstannyŋ halyqaralyq saiasattaǧy atqaryp jatqan jūmystaryn ılgerı bastyruǧa küş saldy. Sonyŋ ışınde jahandyq qauıp-qaterlerdı boldyrmau, qorǧanys, qauıpsızdık mäselelerımen tereŋ ainalysty.
Aitalyq, Qazaqstan şeteldermen halyqaralyq kelısımderge qol qoiady. Alaida ıs sonymen aiaqtalmaidy. Ol qūjat ekı eldıŋ memlekettık tılınde, orys jäne aǧylşyn tılderınde daiyndalady. Barlyq tıldegı nūsqada qate ketpeuı kerek, berılgen tüsınıkterı aiqyn boluy tiıs. Sonyŋ negızınde zaŋ jobasy äzırlenedı. Ony Ükımet daiyndap, Parlamenttıŋ qarauyna ūsynady. Atalǧan kelısımder zaŋ şyǧaru organynda mūqiiat saraptamadan ötıp, bırneşe jūmys toptarynda talqyǧa tüsıp, qorytyndysynda zaŋmen bekıtıledı. Oǧan Prezident qol qoiǧan soŋ baryp zaŋdy küşıne enedı. Mıne, osyndai maŋyzdy qūjattardyŋ joǧary deŋgeide qabyldanuy üşın deputattar atqaratyn ıster az emes. Ersūltan Bektūrǧanov bırqatar zaŋ jobasy boiynşa jūmys tobynyŋ jetekşısı boldy. Sonymen bırge ol qoǧamǧa qajettı maŋyzdy zaŋdardy jetıldıruge, qoldanystaǧy kodeksterge tolyqtyrular engızuge jäne demokratiialyq qūndylyqtardy saqtai otyryp, parlamentarizmnıŋ qalyptasuyna küş-jıgerın arnady.
Halyqtyŋ talap-tılegıne orai jäne özınıŋ bastamasy boiynşa Ükımetke deputattyq saualdar joldap, tüiındı mäselelerdıŋ şeşımın tabuyna yntaly boldy. Sonyŋ bır-ekeuın mysalǧa keltırsek. Avtokölık jürgızuşılerınıŋ kuälıgın daiyndyqsyz adamǧa oŋai bere saluǧa bolmaitynyn aitty. Kuälık beru tärtıbın oŋtailandyramyz dep būl salany erkıne jıbergenımız ülken jol apattaryna alyp kelgenın körıp jürmız. Sondyqtan būl ıstı dūrys jolǧa qoiu kerek ekenın alǧa tartty.
Kelesı bır saualda Qazaqstanda elektromobil öndırısın qarqyndy damytu qajettıgın ūsyndy. Bükıl älem jaŋartylatyn energiia közderın paidalanudy qolǧa alyp jatqan tūsta, bız de osy ürdısten qalmai, ekologiialyq zardaptardyŋ aldyn alu üşın sondai qadamǧa baruymyz kerek. Bügıngı taŋda janarmaimen jüretın avtokölıkter köşelerde keptelıster jasap, qyşqyl, qaterlı gazdyŋ şekten tys şyǧuyna alyp keletının, Almaty qalasynda aua lastanuynyŋ 80 paiyzy avtokölıktıŋ şyǧaratyn tütınınen bolatynyn atap öttı. Mūnyŋ bärı tabiǧattyŋ lastanuyna jäne adam densaulyǧynyŋ naşarlauyna ūşyratatyny sözsız. Al elektromobil öte tiımdı ärı ünemdı. Odan şyǧatyn kömırqyşqyl gazy 0-ge teŋ. Eŋ bastysy, jol apaty bola qalǧan jaǧdaida qauıpsızdıgı qyzyqtyrady. Būl jerde de damyǧan elderdıŋ ozyq ülgılerıne köŋıl bölgenımız abzal.
Ūzaq jylǧy eselı eŋbegı joǧary memlekettık marapattarmen atap ötıldı. «Qūrmet», «Parasat» ordenderınıŋ, «Eren eŋbegı üşın» jäne bırqatar mereitoilyq medaldardyŋ iegerı. Ol sportty jasynan serık qylǧan. Äsırese voleiboldyŋ keŋ qanat jaiuyna ülgı körsetıp keledı. Özı qūrǧan «Saryarqa» kluby ardager sportşylar arasynda jeŋımpaz bolyp jür. Ol – el ışınde būqaralyq sportty damytuǧa müddelı jannyŋ bırı. Osy saladaǧy qajyrly qyzmetıne säikes «Qazaqstannyŋ qūrmettı sport qairatkerı» ataǧyna ie boldy.
Bügıngı taŋda ol zeinet demalysyna şyqsa da, belsendı ömır süru daǧdysynan ainyǧan joq. Jūbaiy Gülnär Jasbolatqyzy ekeuı qūrǧan qūtty şaŋyraq ösıp-öngen äuletke ainaldy. Bügınde ūlttyq qūndylyqtardy boiyna jiǧan nemereler ösıp keledı.
Aibatyr SAMİǦOLLAŪLY, jurnalist,
Nūr-Sūltan qalasy
