Elordada tūrǧyn üi kommunaldyq şaruaşylyǧyna arnalǧan alǧaşqy forum ötıp, oǧan 400-ge juyq adam qatysty. Özı tūratyn üidı ortaq küş jūmyldyra otyryp özderı tärtıpke keltıretın tūrǧyndar būl saladaǧy özgerısterdı qoldaitynyn bıldırdı. 1 şıldeden tūrǧyn üilerdı basqaratyn PİK joiylyp, ornyna MİB qyzmetın bastap jatqan tūsta jaŋa bırlestıkterdıŋ jūmys erekşelıgı keŋınen talqylandy.
Forumǧa qatysuşylar MİB, iaǧni mülık ielerı bırlestıgı jūmysyn jaqsartuǧa baǧyttalǧan ūsynystaryn bıldırdı. Qala äkımdıgı tarapynan tūrǧyndarǧa jaǧdai jasauda MİB ortalyǧynyŋ qūryluy da dūrys qadam ekenı atap aityldy. Osy ortalyq basşysy Gülvira Äbetovanyŋ aituynşa, olardyŋ basty qyzmetı – MİB-tı qalai qūrudan bastap, qūjattar daiyndau barysynda bırlestık töraǧalaryna soŋyna deiın qoldau bıldıru.
– Ortalyq qyzmetın aitar bolsaq, 2021-2022 jyldary közdelgen jūmys baǧyttary – konsultasiialyq qoldau, tūrǧyndar üşın qūjattar äzırleu turaly söz etuge bolady. Nūr-Sūltan qalasy salyq töleu jaǧynan elımızde bırınşı oryn alady. Būl qarjy qūraldarynyŋ aiqyndylyǧyn, MİB boiynşa salyq eseptılıgı sapaly tölenetının körsetedı. MİB-tı köbeitemız dep san qumai, az da bolsa tūraqty jūmys ısteitın myqty bırlestıkter qūru maŋyzdy, – dedı ortalyq basşysy.
Qala äkımınıŋ orynbasary Ermek Qizatov MİB töraǧalarynyŋ, tūrǧyn üilerdı kütıp ūstau jäne basqaru qyzmetın körsetetın servistık ūiymdardyŋ jūmysynyŋ maŋyzdylyǧyn atap öttı.
– Elordada MİB-ke köşuge jatatyn 2859 köp päterlı tūrǧyn üidıŋ 60 paiyzy jaŋa basqaru formasyna köşkendıgın rastady. Jobanyŋ jüzege asuyna qalanyŋ belsendı tūrǧyndary ülken yqpal etude. Bız memlekettık organ retınde qoldanystaǧy zaŋ aiasynda tūrǧyn üilerdı tärtıpke keltıruge barynşa jaǧdai jasai beremız. Öz üiın tiımdı basqaru ondaǧy tūrǧyndardyŋ jailylyǧyn jaqsartyp, päterlerdıŋ de naryqtaǧy baǧasyna oŋ äser etedı, – dedı ol.
Al MİB qyzmetın odan ärı qadaǧalau – qalalyq tūrǧyn üi jäne tūrǧyn üi inspeksiiasy basqarmasynyŋ jauapkerşılıgınde. Atalǧan basqarma basşysy Änuar Saipov elordada 2020 jyldan berı jūmys ısteitın Tūrǧyn üi ortalyǧynyŋ qyzmetıne toqtaldy.
– Azamattar tūrǧyn üi aluǧa kezekke qalai tūruǧa bolatyny turaly ǧana emes, sonymen qatar tūrǧyn üi keşenderın basqarumen bailanysty sūraqtaryna da jauap alady. Atalǧan ortalyq jūmysyn bastaǧaly berı 100 myŋdai adam konsultasiia aldy. Osy ortalyq bazasynda üilerdı basqarudyŋ jaŋa formasyna köşuge bailanysty MİB ortalyǧy qūryldy. Ärbır audanda jaŋa formanyŋ jai-japsaryn tüsındıretın mobildı toptar jūmys ısteude. Olardyŋ qūramynda tūrǧyn üi inspektorlary men audan äkımdıkterı jäne basqa da ūiymdar qyzmetkerlerı bar, – dedı ol.
Qatysuşylardyŋ aituynşa, mülık ielerı institutynyŋ jaŋa reformasy engızılgelı berı köppäterlı tūrǧyn üilerdı kütıp ūstauda oŋ tendensiia baiqalǧan. Mäselen, ai saiynǧy eseptı körsetıp otyru MİB arqyly basqaru formasyna degen senımdı arttyrǧan. Köp üilerde ystyq sumen, jylumen qamtu jüielerı tolyǧymen jaŋartylyp, qosymşa qarjy jinamai-aq jylu almastyrǧyştar satyp alynǧan. Tūrǧyndardyŋ özdıgınen ūiymdasuy qordalanǧan mäselelerdıŋ şeşımın tabuǧa septık etken.
– Menşık ielerı qarjyny basqaryp, körsetıletın qyzmetter sapasyn qadaǧalauy kerek jäne reviziialyq komissiia men üiler keŋesı müşelerı, MİB töraǧalarymen bırge öz üiınıŋ damu josparyn jasauǧa mındettı. Būl aldaǧy uaqytta tüsınıspeuşılık pen dau tuyndamas üşın qajet, – dep atap öttı MİB ortalyǧy basşysy Gülvira Äbetova.
Sonymen tūrǧyn üi kommunaldyq şaruaşylyǧy salasyndaǧy alǧaşqy forum tūrǧyndardyŋ özara pıkır almasuyna zor mümkındık berıp, osy şaruaşylyqty damytuǧa baǧyttalǧan tyŋ bastamalar men ideialardyŋ tuyndauyna mümkındık beretın alaŋǧa ainaldy.
