Elorda polisiiasy zaŋsyz saudanyŋ jolyn kesu maqsatynda keşendı şaralardy bastap kettı. IID Äkımşılık polisiia basqarmasynyŋ qyzmetkerlerı jaŋajyldyq mereke qarsaŋynda pirotehnikalyq būiymdardy saqtau, esepke alu, tasymaldau, äkelu jäne şyǧaru tärtıbınıŋ saqtaluyn tekserude.
Qazırgı uaqytta qūqyq qorǧau qyzmetkerlerı kündelıktı bazarlar men köşe boiyndaǧy sauda oryndardy qataŋ baqylauǧa aldy. Osylaişa, sertifikaty joq önımderdı jetkızuşılerdı anyqtau közdelude.
«Pirotehnikalyq önımderdı avtokölıkpen tasymaldau zaŋdylyǧyn tekseru boiynşa «Rubej» beketterınde de jol-patruldık polisiiasynyŋ jūmysy küşeitıldı. Pirotehnikalyq būiymdardyŋ saudasy säikes lisenziiasy bar tek mamandandyrylǧan dükenderde ǧana satyluy tiıs» deidı IID ÄPB bölım bastyǧy Baǧlan Qazbekov.
Onyŋ aituynşa, pirotehnikany zaŋsyz paidalanu derekterı anyqtalǧan jaǧdaida, zaŋ būzuşylar Qazaqstan Respublikasynyŋ «Äkımşılık qūqyq būzuşylyqtar turaly» kodeksınıŋ 436-baby boiynşa äkımşılık jauapkerşılıkke tartylady. Jazalau maqsatynda 10 AEK kölemınde aiyppūl töleu zaŋmen qarastyrylǧan.
Sondai-aq, «Pirotehnika» jedel-aldyn alu şarasy şeŋberınde polisiia Tötenşe jaǧdailar jönındegı departament qyzmetkerlerımen bırlesıp, tüsındıru jūmystaryn jürgızude. Elordanyŋ köŋıl köteru oryndarynyŋ basşylarymen, mektepke deiıngı jäne bılım beru mekemelerımen kezdesıp, ört qauıpsızdıgı erejelerın saqtau jäne pirotehnikalyq önımderdı paidalanuǧa jol bermeu turaly keŋınen aityluda.
