Nūr-Sūltan qalasy Polisiia departamentınıŋ basşylyǧy PİK jäne jeke küzet vedomstvolarynyŋ ökılderımen kezdesu ötkızdı.
Jastar saraiynda ötken konstruktivtı dialogty elordalyq Polisiia departamentınıŋ bastyǧy Erjan Sadenov aşyp, jergılıktı polisiia men PİK (päter ielerı kooperativı) arasyndaǧy özara ıs-qimyl jasaudyŋ erekşelıkterı men mümkındıkterı, qaladaǧy qoǧamdyq qauıpsızdıktıŋ saqtaluy men qūqyqtyq tärtıptı qamtamasyz etudegı jūmystyŋ qalai jürgızıluı tiıs ekenı jönınde mälımet berdı. Qalalyq ortanyŋ sapasy men baqylau basqarmasynyŋ basşysy Tölegen Qūlyşev PİK şaruaşylyǧy turaly aqparat berıp, elordadaǧy 480-ge juyq PİK ūiymynyŋ bärı bırdei zaŋnamalyq tūrǧyda bekıtılgen ereje talaptaryna sai jūmys jürgıze almai otyrǧanyn aityp, köptegen köppäterlı tūrǧyn üilerde auladaǧy jäne kıreberısterdegı qarapaiym tazalyq jūmystarynyŋ özı jüielı jürgızılmeitının, abattandyru qaǧidalaryn saqtamau älı de jalǧasyp jatqanyn habardar ettı. Mäselen, jyl basynan berı 123 PİK bekıtılgen erejeler talaptaryn oryndamaǧany üşın 3 million 509 myŋ teŋge somasynda jauapkerşılıkke tartylǧan. Al 27 PİK-ke ekınşı ret äkımşılık jaza qoldanylǧan.
Jergılıktı polisiia bastyǧy Ǧosman Jakin jalpy qaladaǧy kriminogendık jaǧdai tūraqty bolǧanmen, ūsaq qoǧamdyq tärtıp būzuşylyq tyiylmai otyrǧanyn mälım ettı. Mäselen, jyl basynan berı 248 päter tonau oqiǧasy tırkelgen. Onyŋ köpşılıgı beinekamera men konserjı joq üilerde bolǧan eken. Al kerısınşe arnaiy qondyrǧylarmen jabdyqtalǧan jäne konserjı bar üilerde ūrlyq müldem bolmaǧan. Osy oraida Ǧ.Jakin PİK jetekşılerıne osy mäselege, iaǧni baqylau jäne qauıpsızdık qondyrǧylaryn ornatuǧa köŋıl böludı sūrady. Al jiynǧa qatysqan jeke küzet vedomstvo ökılderı bolsa, barlyq ūsynysty qabyldauǧa daiyn ekenderın jetkızdı.
Kezdesu barysynda PİK ökılderı Jergılıktı polisiia basşylyǧy men Nūr-Sūltan qalasynyŋ Qalalyq orta sapasy jäne baqylau basqarmasy mamandaryna özderın tolǧandyrǧan sūraqtaryn qoiyp, jauap aldy.
Eŋ bastysy, kezdesu barysynda qaladaǧy PİK şaruaşylyǧyndaǧy özektı mäseleler, sonymen qatar qoǧamdyq qauıpsızdık pen qūqyqtyq tärtıptı nyǧaitu jönınde aşyq äŋgıme örbıdı. Aitylǧan problemalardy şeşudıŋ joldary aiqyndaldy. Ūsynystar men tılekter tyŋdaldy.
