PREZİDENT SENIM GRAMOTALARYN QABYLDADY
Osy aptada Memleket basşysy Nūrsūltan Nazarbaevqa tötenşe jäne ökılettı elşıler – Malaiziiadan Hidaiat Abdul Hamid, Estoniia Respublikasynan Iаan Reinhold, Liviiadan Salim Abdurahman äl-Sueiti, İran İslam Respublikasynan Mojtaba Damirchilu, Täjıkstannan Nazirmad Alizoda, Kanadadan Şon Stail senım gramotalaryn tapsyrdy. Öz kezegınde Prezident elşılerdı bızdıŋ eldegı diplomatiialyq qyzmetterınıŋ bastaluymen qūttyqtap, jūmystaryna sättılık tıledı.
Memleket basşysynyŋ aituynşa, Qazaqstan atalmyş elderdıŋ barlyǧymen maŋyzdy serıktestık ornatqan. Mäselen, Täjıkstan ekonomikasyna salynǧan qazaqstandyq investisiia bügınde 125 million dollardan asady ärı būl elde qazaqstandyq 40 şaqty käsıporyn jūmys ısteidı. Prezident aldaǧy uaqytta özara sauda kölemın ūlǧaityp, yntymaqtastyq aiasyn keŋeituge küş salu qajettıgın de atap öttı.
Al, Qazaqstannyŋ İranmen saiasi-ekonomikalyq bailanystary jyldan jylǧa nyǧaiyp kele jatqanyn aitqanymyz jön. «Biyl ıske qosu josparlanǧan Qazaqstan –Türıkmenstan – İran jaŋa temırjoly – sonyŋ aiǧaǧy. Būl baǧyt jalpy öŋırdegı sauda-ekonomikalyq yntymaqtastyqqa serpın beredı. İrannyŋ iadrolyq baǧdarlamasy töŋıregındegı ahualdy tezdetıp retteu öŋırdegı tynyştyq pen yntymaqtastyq üşın asa maŋyzdy.
Bız araaǧaiyn «altylyq» pen İran arasyndaǧy kelıssözderdıŋ ekı raundyn Almatyda ötkızu arqyly būl üderıske öz ülesımızdı qostyq. Barşany qanaǧattandyratyn ūzaq merzımdı kelısımge taiau uaqytta qol jetkızıledı dep ümıttenemız. Bız kelesı aida prezident Hasan Ruhanidyŋ Qazaqstanǧa tūŋǧyş resmi saparyn kütıp otyrmyz. Būl sapar ekıjaqty bailanystardy jaŋa sapaly deŋgeige köteruge mümkındık beredı» deidı Memleket basşysy.
Elbasyǧa senım gramotasyn tapsyrǧan elderdıŋ bırı – Malaiziia. Atalmyş el – bükıl mūsylman älemındegı senımdı saiasi ärı sauda serıktesımız. Memleket basşysy premer-ministr Nadjib Razaktyŋ taiauda ötken resmi sapary ekonomikalyq yntymaqtastyq aiasyn keŋeite tüskenın alǧa tartty. Öitkenı, osy sapardyŋ nätijesınde jalpy qūny 1 milliard dollardan asatyn kelısımşarttar jasalǧan.
Memleket basşysy sonymen qatar Kanada, Estoniia jäne Liviia elderımen de jan-jaqty yntymaqtastyqty damytu Qazaqstan üşın maŋyzdy ekenın alǧa tartty.
– Bız älemdegı eŋ damyǧan 30 eldıŋ qataryna kırudı közdep otyrmyz jäne būǧan qajettı barlyq şarany qabyldaimyz. Būl maqsatqa jetu üşın qajettı basty baǧdar men naqty mındetter «Qazaqstan-2050» strategiiasynda aiqyndaldy. Ol bızdıŋ elımızdıŋ barlyq syrtqy saiasi serıktesterımen özara tiımdı bailanystardy nyǧaituǧa baǧyttalǧan, – dei kele Elbasy elımızde şeteldık investorlarǧa bıregei mümkındıkter ūsynylatynyn, 2017 jyly Astanada «Bolaşaqtyŋ energiiasy» taqyrybyna arnalǧan halyqaralyq mamandandyrylǧan
«EKSPO» körmesı ötetının, sondai-aq öŋırlık jäne jahandyq deŋgeidegı özektı mäselelerdı şeşuge belsendı qatysudy közdeitının atap öttı.
Gülmira Aimaǧanbet