0
Käsıbi bi ūjymdarynyŋ ışınde aldyŋǧy qatardaǧy oryndy alyp, elımızde ötıp jatqan barlyq mädeni-būqaralyq, merekelık ıs-şaralardyŋ belsendı qatysuşysy, öner maitalmandary «Naz» memlekettık bi teatryna biyl on bes jyl tolyp otyr. Atalmyş bi teatry – Türkiia, Mäskeu, Qytai, Oŋtüstık Koreia, Bolgariia, Gresiia, Katar, Belgiia, Gollandiia, Fransiia, Arab jäne Norvegiia memleketterınde ūlttyq bi önerın nasihattap, qazaq biınıŋ sūlulyǧy men symbatyn tanytyp, tūǧyryn biık ūstap kele jatqan ūjym. Qajyrly eŋbekpen jetken on bes jylda ūjymnyŋ atqarǧan ısı öte köp. Osyǧan orai şyǧarmaşylyq top esep beru konsertın ötkızbek eken. Merekelık keş jaiynda teatrdyŋ körkemdık jetekşısı, bas baletmeisterı Qadişa Ermekbaiqyzynan sūraudy jön kördık.
– Aituly merekege qandai josparlaryŋyz bar? Arnaiy atap ötetın bolarsyzdar?
– Mındettı türde. Bız osy merekemızge qyzu daiyndyq üstındemız. Repertuarymyzdy tolyqtai jaŋartyp, halyq körmegen erekşe bi qoiylymdaryn qoiamyz. Elde bolmaǧan şou jasaimyz.
– Keşterıŋız qaşan jäne qaida ötedı? Qonaqtardan kımder qatysady?
– Naqty künı belgılengen joq. Aityp ötkenımdei, qyzu daiyndyq üstındemız. Al, qonaqtarǧa keler bolsaq, ol – qūpiia. Qandai şou qoiatynymyz da qūpiia. Alla jazsa, şyǧarmaşylyq keşte bärın köretın bolarsyzdar.
– Biyl sızderge on bes jyl tolyp otyr. Osynau aituly künge qiyndyq pen quanyşty bırge körıp, bırşama beleske jetkenderıŋız bärımızge aian. Osy uaqyt ışınde «Naz» memlekettık bi teatry ne ıstei aldy?
– Alǧaşynda «Naz» halyq bi ansamblı bolyp 1999 jyly Astana qalasy memlekettık filormaniiasy janynan qūrylyp, 2007 jyly 1 nauryzdan bastap qala äkımşılıgınıŋ şeşımımen «Naz» memlekettık bi teatry» MKQK bolyp öz aldyna bölek şaŋyraq qūrǧanbyz. Bastapqy jyldary öte qiyn boldy. Bişıler jetıspedı. Sol sebepten, tıptı, jaqyn şet elderden bişıler ızdegen künımız de bolǧan. Şynyn aitqanda, on bes jylda köp närsenı körgen ekenbız. Bişı degen mamandyq bır adamdarǧa oŋai jūmys bolyp körınuı mümkın. Bıraq, būl mamandyq özıne tän qajyrly eŋbektı talap etetın şyǧarma ortasy desem, artyq aitqanym emes. Osy uaqyt ışınde auyz toltyryp aitardai jetıstıkterge jete bıldık. Aita ketetın bolsam, 2001 jyly II respublikalyq Ş.Jienqūlova atyndaǧy qazaq bi konkursynyŋ laurety, 2001 jyly Halyqaralyq IV «Şabyt» şyǧarmaşylyq jastar festivalınıŋ bas jüldegerı atandyq. 2002 jyly Qazaqstan Jastar odaǧy syilyǧynyŋ laureaty, 2004 jyly Qytaida ötken saiysta «Altyn müsın» iegerı atanyp, 2008 jyly Gollandiiada ötken «Worldfestival Parad Brunssum» festivalınıŋ sertifikatymen marapattaldyq. Däl osy jyly niderlandtar elınde ötken internasionaldyq folklor festivalınıŋ diplomyn, 2010 jyly elımızdegı Egipet Arab Respublikasynyŋ özara yntymaqtastyqty damytuǧa qosqan ülesımız üşın alǧys hat aldyq. Sonymen qatar, qalaaralyq jäne respublikalyq bırşama baiqaularǧa qatysyp, madaqtau qaǧazdaryna ie bolǧan jaiymyz bar. Är jyl saiyn Astana qalasy äkımdıgınıŋ alǧys hatymen jäne Mädeniet basqarmasynyŋ qūrmet gromatalarymen marapattalyp jürmız. Mıne, auyz toltyryp aitarlyqtai jetıstıktermız osy.
– Teatrdyŋ menşıgınde neşe qoiylym bar? Repertuarlaryŋyz qanşalyqty jaŋaryp tūrady?
– Repertuarymyzda alpysqa juyq horeografiialyq qoiylym bar. Onyŋ ışınde 30-dan asa qazaq biı men köptegen älem halyqtarynyŋ bilerı öz menşıgımızde. Maqtanyşpen aita alatyn bilerımız jeterlık. Sonyŋ ışınde, «Tūiǧyndar» tarihi bi spektaklı, flamengo stilınde «Balero», horeografiialyq spektakl – «Nūrǧisa», jasöspırımderge arnalǧan taqyryptyq spektakl – «Aq pen qara». Sonymen bırge, merekelık künderge de arnaiy qoiylymdar qoiyp jatatyn kezımız bolady. Ünemı ızdenıs üstındemız. Repertuarymyzdy ünemı jaŋartyp, tolyqtyryp otyramyz.
– Teatr qūramymen tanystyra ketseŋız.
– Bızdıŋ ūjymda 18 jastan bastap 42 jas aralyǧyndaǧy myqty maitalman qyzmetkerler qyzmet etedı. Maqtan tūtar bişılerımız öte köp. Sonyŋ ışınde 12 ūl baladan qūralǧan bişılerımız bırşama jetıstıkterge jetıp, ärdaiym bızdı quantyp jüredı.
– Sızdı «teatrdyŋ anasy» dep jatady. Uaqytyŋyzdyŋ köp bölıgın bi önerıne arnaisyz. Qiyn emes pe? Öz şyǧarmaşylyǧyŋyz jaiynda ne aitar edıŋız?
– «Qinalmadym, bärı keremet boldy» desem, beker bolar. Ärine, qiyndyq ta, quanyş ta mol. Alǧaşynda jūbaiym Erkebūlan Aǧymbaev ekeumız Astanaǧa kelıp, osy teatrdy qūrǧan bolatynbyz. Bastapqyda joqtan bar jasadyq. Bırınşı, Allanyŋ arqasynda osyndai biık därejege köterılıp otyrmyz. Teatrdyŋ körkemdık jetekşısı ärı bas baletmeisterı retınde jūmys atqaryp kele jatqanyma, mıne, baqandai on bes jyl. Jetken jetıstıkter köp. Onyŋ bärı – ūjymnyŋ bırlesken eŋbegınıŋ nätijesı.
– Äiel adamyna otbasymen bırge jūmysty alyp jüru qiyn emes pe?
– Joq, qiyn emes. Sebebı, otaǧasy da, jaŋa aityp ötkenımdei, osy teatrdyŋ ırgesın qalasqan bişı. Qazırgı taŋda Qaraǧandy oblysy mädeniet basqarmasynyŋ basşysy. Ol kısı bärıne tüsınıstıkpen qaraidy. Özı de öner adamy bolǧandyqtan, bärın bıledı.
«Äiel – qyryq jandy» dep beker aitpasa kerek. Zaman talabyna sai otbasyn da, şyǧarmaşylyq jūmysty da qatar alyp jüremın.
– Äŋgımeŋızge rahmet!
Güljämilä ZAIYROVA
