Uasilia TÖLEUǦAZYQYZY, Astana qalasyndaǧy №75 mektepgimnaziianyŋ qazaq tılı men ädebietı pänı mūǧalımı:
Biylǧy oqu jylynyŋ basynda pedagog mamandary attestasiiadan ötkızu turaly – QR BǦM ministrınıŋ №152 būiryǧy jariialandy. Küşıne enıp, bılım oşaqtaryna tarady. Ūjymmen bırge estıdık, quandyq ta, jüreksındık te. Öitkenı emosiialyq tūrǧyda jaqsy da, jaman da jaqtary boldy. Jyl saiyn, tıptı 6 ai saiyn bız nege attestasiiadan öte beruımız kerek? 5 jyl saiyn onsyz da ūstazdar qauymy bılıktılıgımızdı däleldep jürmız ǧoi. Özıme būl synaqtyŋ kezeŋ saiyn öte beretını ūnamady. Qaita-qaita nege bılımımızdı däleldeimız?! Bız nege qaita-qaita küpkıge toǧytylǧan toqty qūsap jüruımız kerek? Bırneşe ärıptesterımmen bırge osyny qoldamadyq. Özım attestasiiadan ötuge ötınış jazbadym. Öitkenı bırınşı tapsyrǧan ärıptesterımnıŋ köbı synaq tapsyra almady. Al bılımın däleldegender börkın aspanǧa ata quandy.
Tiımsızdıgın aitsam, menıŋ jūmys täjıribem jetkılıktı. Osy uaqytqa deiın ǧylymi maqala jazdym, synyp aldym, ärtürlı kurs oqydym. Sosyn bılıktılık sertifikatymdy bes jyl saiyn jaŋartyp tūrdym. Söitıp jürgen adamǧa, mynau 6 ai saiynǧy pärmen jüikege salmaq. Ärine, ol erıktı türde. Bıraq, ärıptesıŋnıŋ aqşasy köbeiıp jatqanyn köresıŋ, sosyn typyrşisyŋ. Daiyndalasyŋ, şarşaisyŋ. Ötseŋ, taǧy meilı. Byltyrdan berı oquşylarmen qanşama tamaşa jūmys atqardym. Arasynda ŪBT-ǧa daiyndaimyz. Söite tūra, bılık-bılıgımdı taiǧa taŋba basqandai bolsa da, jūmysymmen qosa nege jüktemege saluym qajet?
Tiımdı jaǧy da bar ǧoi… Mäselen, bılımıŋızdı däleldeseŋız, jalaqyǧa 30, 35, 40, 45 paiyz kölemınde üstemaqy qosyluy mümkın… Bıraq sol ailyǧymyz da tömendeu bolyp tūr ǧoi qazırgı uaqytta. Osy küzde özımdı-özım synap körgım kelgen, daiyndyǧym pysyq talmady. Endı körermız bır jaǧynan retı kelgende…
Kele-kele synaq pen qaǧazbastylyqtan balalarǧa sabaq beruge uaqyt qalmai ma dep qorqamyn.
