Jaŋabatyr aqsaqal ötken jyly seŋgırlı seksen jasqa toldy. Seksenge tolsa da sertınen taimaǧan qariianyŋ ömır joly da būralaŋ qaltarysqa toly. Otyzynşy jyldardyŋ ortasynda düniege keldı. Qyzyqqa toly balalyq şaǧyn sūrapyl soǧys ūrlady. Bala bolyp ta erkın oinaǧan joq. Būǧanasy qatpastan kolhozdyŋ qara jūmysyna jegıldı. Bır äkeden örbıgen Şalbai Kärıbai, Saǧynbai jäne Saǧyndyq dep atalatyn aǧaiyndy tört jıgıt bolady.
Osylardyŋ ışınde Jaŋabatyr qariianyŋ äkesı Qärıbai ǧana otbasyn qūrǧan eken. Qalǧandarynyŋ barlyǧy – jasöspırım jıgıtter. Olardyŋ barlyǧy soǧys bastalǧanda äskerge alynady. Tek Kärıbai ǧana tyl jūmysyna qaldyrylady. Bıraq üş bauyry bırdei maidanǧa alynǧanda «bauyrlarymnan janym artyq emes» dep öz erkımen soǧysqa sūranady. Sodan törteuı de qandy qyrǧynda habarsyz ketedı. Kärıbaidyŋ artynda bır ūl, bır qyz qalady. Soǧys bastalǧan jyly ekı jasynda Jaŋabatyr äkenıŋ qaryndasy ömırden ötedı. Köp ūzamai anasynan aiyrylady. Naǧyz jetımdıktıŋ azabyn endı tartady. Alaida, altyǧa endı tolǧan Jaŋabatyrdy jaqyn aǧaiyny Şoqybas degen kısı asyrap alady. Balam dep bauyryna basady. Sol auyr kezeŋde kolhozda eŋbek küşı jetpei jatqandyqtan jetkınşekter de jūmysqa tartylady. Ol da ülkendermen bırdei auyr eŋbektıŋ mehnatyn köredı. Bırde Şaqpaq boiynda egın salsa, kelesı de siyr fermasynda jūmys ısteidı.Qariianyŋ özı ol jadaǧai künderdı eske alǧanda mūŋaiyp, qalyŋ oiǧa batady.
–Taŋ bozaryp atpastan egınge şyǧamyz. Baqylauşy brigadir dıkeŋdep: «Tezdetıŋder, äitpese nemısterge berıp jıberemın» dep zırkıldeidı. Üiımızde bır siyr boldy, oǧan kolhoz kömek retınde ögız qosyp bergen. Soqany ögızge jegıp, atam artynda soqany iterıp, apam aidap, al men bolsam aldynan jetelep otyramyn. Apam jūmystan şarşap kelse de, siyr sauady. Sol sauylǧan süttı tögıp-şaşpai fermadaǧy separatordan ötkızuge alyp baramyn. Ony ferma meŋgeruşısı qabyldaidy. Ükımet bekıtken jospar boiynşa altyn künı boiy süt pen qaimaq tapsyramyz. Jetınşı künı bızge obrat beredı. Sony özımız talǧaju etemız, – dep sol jabyrqau jyldardan syzdyqtap syr aitady.
Sondai beinettı keşıp jürıp, mektepten de qalmaidy. Fermadan kolhoz ortalyǧyna arbamen qatynap oqidy. «Däpter joq. Ornyna kıtap beredı. Sonyŋ taza jerlerıne jazamyz» deidı aqsaqal. Soǧys aiaqtalǧannan keiın de ol tuǧan jerınen alysqa ūzamaidy. Alǧaşqy eŋbek jolyn jürgızuşı bolyp bastaidy. Odan keiın auylşaruaşylyǧy men sauda salasynda eŋbek etedı. Amangeldı audandyq köterme sauda bazasynyŋ basşysy boldy. Audandyq kinojelın basqarady. Partiia organdarynda jūmys ısteidı. Zeinetkerlıkke şyqqanǧa deiın audandyq süt öŋdeu şeberhanasynyŋ direktory bolyp qyzmet atqarady. 1957 jyly Ahmetjanova Tülkı apaimen bas qosady. Ömırge ıŋgälap ūl men qyz keledı. Bügınde qariia balalarynan taraǧan 7 nemere jäne 2 şöberenıŋ qazynaly aqylşysyna ainaldy. Elordanyŋ eleulı ardagerı. Äsırese, aqsaqal kenje nemeresı Mädidı auzynan tastamaidy. Ol dombyrada şeber oinaidy. «Art Olympia» dep atalatyn halyqaralyq balalar jäne jasöspırımder şyǧarmaşylyǧy festivalınıŋ altyn medalın jeŋıp alǧan. Bırneşe respublikalyq baiqaulardyŋ jüldegerı atanǧan.
Bır kezde soǧystan oralmaǧan äkesınıŋ jalǧyz şyraǧy bolyp qalǧan bala keiın erjetıp, bügınde ardaqty aqsaqalǧa ainalyp, ömırdıŋ barlyq qyzyǧyn körıp, baqytty ǧūmyr keşude.
Azamat ESENJOL
