El naryqtyq ekonomikaǧa endı köşken aumaly-tökpelı kezeŋde käsıp bastaǧan äielderdıŋ bırı – Dina Syrǧabaeva. Filologiia mamandyǧyn käsıpkerlıkke amalsyz aiyrbastaǧan ol biznes älemındegı talai qiyn-qystau jyldardan ötıp, bügınde aiaǧynan nyq tūrǧan käsıpkerge ainaldy. Elımızde ol siiaqty millionǧa juyq käsıpker bar. Alaida Dina Izbasarqyzynyŋ erekşelıgı – ömırlık auyr jaǧdaidaǧy jandarǧa qaitarymyn kütpei käsıp aşyp beretındıgı.
Özı käsıptıŋ eŋ qarapaiym türı tıgın biznesınen bastaǧan. Mūnai kompaniialaryna qajet qolǧaptar, naryqta sūranysqa ie basqa da kiımder tıgetın seh aşqan. Odan keiın türlı salalardaǧy biznes jobalardy atqaryp kördı. Jyldar öte özı endı ainalyp soqpaityn kışıgırım daiyn käsıpkerlıkterın mügedekter, jesır, köpbalaly analar, jaǧdaiy tömen jäne t.b. ömırlık qiyn jaǧdaiǧa tap bolǧan adamdarǧa tegın bere bastady. Bolmasa jūmys ornyn aqysyz paidalanuǧa mümkındık ūsynyp, kerektı qūral-jabdyqtaryn tolyq alyp beredı. Osylaişa ol barlyǧy 23 otbasyǧa qaitarymsyz kömek körsettı. Sonyŋ ışınde altauy – Nūr-Sūltan qalasynyŋ, qalǧandary Aqtau men Pavlodar qalalarynyŋ tūrǧyndary. Elorda boiynşa sondai kömek alǧandardyŋ bırı – jaqynda gazetımızde jazylǧan Aiagöz Şnaider. Elordalyq 6 balasy bar, mügedek, jesır äiel köpşılıkten kömek sūrap jüretın, qazır ol Dinanyŋ arqasynda tıgın sehyn aşyp, käsıbın döŋgeletıp otyr. 3-4 adamǧa tauyq şyǧaratyn şaǧyn biznes aşyp berse, Qosşyda tūratyn bır kısınıŋ agrobiznes käsıbın bastauyna yqpal ettı.
– Özımnıŋ biznes nysandaryma jaqyn ornalasqandarǧa öndırıs jäne sauda oryndaryn tegın beremın. Aqtau qalasyndaǧy öz menşıgımdegı biznes oryndarynyŋ 1000 şarşy metrge juyǧyn sondai mūqtaj jandardyŋ käsıppen ainalysuyna berdım. Sebebı biznes aşuǧa barlyq adamnyŋ bırdei qabıletı, ekınşıden, qarajaty jetpeidı. Basqa qalalarda tūratyndarǧa oryn kerek etpeitın kışıgırım biznester ūsynamyn. Ekonomikalyq jaǧynan paidaly ekenıne köz jetken biznesterdı, mysaly, tauyq şyǧaratyn mini inkubasiiany qolaily der edım. Sebebı qazır bırınşı kezekte qajet taǧamdar – jūmyrtqa men tauyq etı qymbat. Bır şyqqanda 100-den astam balapan şyǧady, ol 1-1,5 aida köbeiedı, ony satsa da, özderı toiyp tamaq ışse de, jaǧdaiy tömen adamǧa olja. Ärı mūndai tauyq öndıru käsıbınıŋ köbeiuı osy azyq-tülık önımderı türlerınıŋ arzandauyna yqpal etedı. Qolymnan kelgen kömegımdı jasap jatyrmyn. Qazırgı taŋda «Qareket – jaqsylyq jasa» qoryn aşyp, sol arqyly köp qaiyrymdylyq jasaudamyz. Sebebı elımızde atauly kömek alatyn 1 mln-ǧa jaqyn mūqtaj jandar bar. Olarǧa 20 tügılı 200 biznes aşyp beru de jetkılıksız, – deidı Dina Syrǧabaeva.
Bügınde käsıpker hanymnyŋ ainalysatyn biznes türlerı – san salaly, sonyŋ ışınde investisiialyq biznestermen de şūǧyldanady. Özbekstannan otanyna täuelsızdıktıŋ bastauynda oralyp, Maŋǧystauda bıraz jyl tūryp, ärı sol jaqta alǧaş biznesın bastaǧan ol – bügınde elorda tūrǧyny.
Dina Izbasarqyzy «Isımız arqyly söileimız» halyqaralyq SOROS jüldesınıŋ laureaty atanǧan. 2021 jyly äleumettık käsıpkerlıktı damytuǧa qosqan ülesı üşın «Özgerıs ūstazy» respublikalyq jüldesınıŋ laureaty boldy. Byltyr sonymen qatar «Qaiyrymdylyq keruenı» IV respublikalyq baiqauynyŋ «Meiırım jolynda» atalymy boiynşa jüldeger atandy.
Jalpy bügınde elordada biznestıŋ 47%-yn äielder basqarady. Nūr-Sūltan qalasynda 191 myŋnan astam käsıpkerlık subekt tırkelgen, onyŋ 163 myŋy jūmys ısteidı.
