Qala quatynyŋ qainarközı
Jylu men jaryq – qala tırşılıgınıŋ negızgı qan tamyrlary. Osy ekeuınsız şahar tırlıgın elestetu mümkın emes. Elordaǧa taratylatyn elektr energiiasynyŋ 60 paiyzǧa juyǧy «Astana-Energiia» AQ-nyŋ 2-Jylu elektr ortalyǧynda öndırıledı. Kündız-tünı tynym tappaityn käsıporynnyŋ ışkı ahualyna bız de üŋılıp kördık.
Quaty artqan öndırıs
Täulık boiy kök tütın budaqtap, alystan «menmūndalaityn» 2-JEO ǧimaraty astanalyqtarǧa jaqsy tanys. 1979 jyly ıske qosylǧan jylu stansasynyŋ jalpy elektrlık quaty saǧatyna 360 MVt bolsa, jylu energiiasynyŋ küşı saǧatyna – 1021 Gkal-dy qūraidy. «Astana – Energiia» AQ basqarma töraǧasynyŋ bırınşı orynbasary Oleg Utkinnıŋ aituynşa, 2-JEO byltyr mölşerı 2 mlrd 405 mln kVt/saǧ elektrenergiiasyn öndırgen. Al jylu energiiasynyŋ kölemı – 5 mln 122 myŋ gigakalorii. Būl 2011 jylmen salystyrǧanda 30 mln 600 myŋ kVt/saǧ artyq körsetkış eken.
– Mūndai nätijege №4 turboagregat kürdelı jöndeuden ötkennen keiın qol jetkızdık. Būl qondyrǧy zauyttyq quatyna qaita oralyp, elektrenergiiasyn saǧatyna 120-125 MVt kölemınde öndırıp otyruǧa mümkındık beredı, – deidı Oleg Valerevich.
Elbasynyŋ tapsyrmasymen ıske qosylǧan 4 su jylytqyş qazandyqtyŋ arqasynda jylu energiiasy da aldyŋǧy jyldarmen salystyrǧanda, 472 myŋ Gkal artyǧymen öndırılgen.
Jaryq pen jyludyŋ mölşerın köbeitıp, JEO-nyŋ quattylyǧyn arttyruǧa baǧyttalǧan jūmystar keleşekte de jalǧasyn taba bermek. Bügınde «JEO-2-nı keŋeitu jäne qaita jaŋǧyrtu» jobasy şeŋberınde 7-şı jäne 8-şı qazandyqtar ıske qosylmaq. 2016 jylǧa qarai ekı ırı energetikalyq qazandyq agregatyn paidalanuǧa beru josparlanyp otyr. Būl qazandyqtar elektr süzgısı men kükırt tazalaǧyşy bar zamanaui qondyrǧy bolmaqşy.
Al biyl jyl soŋyna qarai quattylyǧy 120 MVt 5-şı turboagregat, kelesı jyly saǧatyna 120 MVt bolatyn №6 turboagregatyn da paidalanuǧa beru josparlanyp otyr. Jaŋa qondyrǧylardy ornatyp, qolda bar qūrylǧylarǧa jöndeu jūmystaryn tiianaqty jürgızgen JEO ūjymy 2012-2013 jyldarǧa arnalǧan jylu beru mausymyn oidaǧydai atqarypty.
Alyp «temırlerdıŋ» äleuetı
Äkımşılık otyratyn ǧimaratpen japsarlas ornalasqan negızgı öndırıs ornyna qarai bet aldyq. Dälızden ötıp, ülken temır esıktı aşqanymyz sol, gürıldegen dauystan qūlaǧymyz tūnyp kettı. Ǧimarattyŋ ışı de qapyryq eken. Jylu öndıretın käsıporyn ekenın aitqyzbai-aq ūǧyndyryp tūr. Ainalanyŋ bärı «temır-tersek».
Öndırıs tabaldyryǧyn attamai jatyp-aq, gürıl men dırılden esımız şyǧyp tūrǧan bızdıŋ türımız janymyzda erıp jürgen Senımdılık jäne tehnikalyq qauıpsızdık qyzmetınıŋ basşysy Uälihan Asqarbekovke qyzyq körındı bılem, jymiyp qoidy.
– Bızdıŋ dausymyz da osy gürıldekten kem tüspeidı. Eger aiqailap söilep bara jatqan adamdy körseŋız, jylu energetika ortalyǧynda jūmys ısteidı dep oilai berıŋız, – dep äzıldep qoidy ol.
Uälihan Dairaşūlymen ılesıp, ortalyq jylu basqaru ornyna keldık. Mūnda ekı qazandyq pen ekı turboagregatty basqaryp otyrǧan maşinister otyrady eken. Olardyŋ aldynda qaptaǧan pernesı men tetıgı bar tehnika tūr. Qabyrǧadaǧy saǧat tärızdes qūrylǧylardyŋ sany da odan qalyspaidy. Uälihan Dairaşūlynyŋ aituynşa, būl su men budyŋ qysymyn, atomosferasyn, tok pen kerneudıŋ kölemın, quat şyǧynyn eseptep tūratyn ölşegış qūraldar eken. Olardyŋ jūmysyn maşinister mült jıbermei baqylap otyrady. Maşinister demekşı, jylu ortalyǧynda osy mamandar erekşe baǧalanady. Olarǧa ülken jauapkerşılık jükteledı. Osynda maşinist bolu üşın energetika salasynyŋ maida-şüidesıne deiın jetık meŋgerıp, öndırıstıŋ tört satysynan ötu kerek. Aldymen küldı sumen şyǧarudy baqylaityn maman jūmysyn igeru kerek. Būdan keiın kömırdı balǧalap, maidalau qondyrǧysyn baqylaudy üirenu qajet. Osydan keiın qazandyqtyŋ tömengı bölıgındegı qosymşa qondyrǧylardy baqylauşy, törtınşı, qazandyqtyŋ joǧary jaǧynda tūrǧan qondyrǧylardy baqylauşy qyzmetınen ötıp, äbden şyŋdalu kerek. Osy tört salany meŋgerıp, emtihannan müdırmei ötken maman ǧana qazandyqtyŋ «qūlaǧyn» ūstaidy.
Jylu elektr ortalyǧynyŋ közdıŋ qaraşyǧyndai saqtaityn qazandyǧy – bız bıletın kädımgı qazan emes. Onyŋ syrtqy pışını qūbyrǧa ūqsaidy. Jylu men jaryqty öndıru osy qazandyqtaǧy sudy jylytudan bastalady. Aldymen qoimadaǧy kömır buldozermen konveierge tieledı de, qazandyqtardyŋ bunkerlerıne, sosyn kömırdı maidalap ügetın balǧaly diırmenge jetkızıledı. Sodan keiın kömır qazandyq peşterıne kelıp tüsedı.
Peşke tamyzyq retınde bırınşı mazut jaǧylady. JEO-nyŋ beton mūrjasynan keide qoiu qara tütın şyǧyp tūratynyn baiqaǧan bolarsyz. Būl – mazut jaǧylyp jatyr degen söz.
Qazandyqtar äbden qyzyp, temperaturasy – 555 gradus, qysymy 140-qa jetkende, mazut jaǧu toqtatylyp, onyŋ ornyna peşke äbden ūntaqtalǧan kömır salyna bastaidy. Sol kezde mūrjanyŋ tütını de aǧarady. Qazandyq 3,5 saǧat qyzdyrylǧannan keiın baryp, özınıŋ zauyttyq parametrıne keledı eken.
Äbden qyzǧan qazandyq qainap, sudy buǧa ainaldyrady. Odan saǧatyna 420 tonnalyq ystyq bu şyǧady. Bu qatty qysymnyŋ küşımen turboagregattarǧa jiberiledi. Joǧarǧy qysymdy bu aldymen turbinany jäne onymen bir bilıkte ornatylǧan elektr generatoryn ainaldyrady.
Generatordan energiia bölinedi. Tok kerneuı – 10 500 volttı qūraidy. Paida bolǧan quat közı generatorlardan kerneudı joǧarylatatyn transformatorǧa berıledı. Osy jerden 110 myŋ volt mölşerıne deiın küşeigen kerneuler Aqmola aumaqtyq elektr jelılerımen qalaǧa jetkızıledı. Al jaryqty elordalyq tūtynuşylarǧa taratatyn – «Astana – REK» AQ (būrynǧy «Qalalyq elektr jelılerı»).
Ärine, mūnyŋ bärı auyzben aituǧa ǧana jeŋıl. Äitpese, jaryq pen jylu energiiasy öndırılıp şyqqanşa, olardyŋ qysymy, kölemı, kerneuı qalypty mölşerde bolyp, tepe-teŋdıgın ūstap tūruyn qadaǧalau – oŋai jūmys emes. Mysaly, turbinadaǧy qysym qalyptaǧydan asyp ketse, onda minutyna 3 myŋ ainalym jasaityn alyp «temır» ainalany äp-sätte kül-talqan etuı mümkın. Turbogeneratorda paidalanylǧannan keiın bu turbina kondensatoryna tüsıp, salqyndap, qaitadan suǧa ainalady. Kondensatordy salqyndatatyn su gradirniada suidy. JEO ekenın aiǧaqtap tūratyn üş ülken mūnarany bıletın bolarsyz? Gradirnia, iaǧni su salqyndatqyşyŋyz osy. Eger qysymy men temperaturasy tömendegen budy tez arada suǧa ainaldyrmasa, onda turbina ainalmai, keptelıp qalady eken.
Būdan özge, temperaturasy tömendegen sudy ysytatyn qazandyqtar da bar. Elbasynyŋ qatysuymen tūsauy kesılgen osy qondyrǧylardyŋ qystan qysylmai şyǧuǧa kömegı köp bolǧan eken.
Qazandyqtar kompiutermen basqarylady
«Astana-Energiia» AQ-da 1278 adam jūmys ısteidı. Sonyŋ 800-deiı – ekınşı Jylu elektr ortalyǧynda. Öndırıstık mekemenıŋ qazandyǧynda – 30, turbinasynda 20 maşinist bar. Olardy bır-bır aǧa maman baqylaidy. Basqa sala sekıldı, jylu elektr ortalyǧy da soŋǧy ülgıdegı tyŋ tehnologiialarmen jabdyqtala bastapty. Bız barǧan ekınşı ortalyq jylu basqaru bölımındegı keibır qazandyq pen turboagregat kompiutermen basqarylady eken.
Ärine, 1979 jyldan bastap ornatylyp, 1984 jyly aiaqtalyp bıtken būrynǧy basqaru pultterıne ökpe joq. Būl tehnika älı künge deiın mültıksız jūmys ısteidı. Al jaŋa tehnologiianyŋ artyqşylyǧy – yŋǧaily. Adam küşın köp qajet etpeidı. Qondyrǧylardyŋ jūmysyn monitordan baqylap otyrasyz. Endı bırneşe jylda qolda bar qazandyqtar men turboagregattardyŋ tügelı avtomattandyrylǧan basqaru jüiesıne köşetın bolady, – deidı Uälihan Asqarbekov. Monitor aldynda jaiǧasqan jıgıttı äŋgımege tarttyq. Özın 6-şy qazandyqtyŋ maşinisı Amanbolat Jūmaşev dep tanystyrǧan ol jylu beru mausymy aiaqtaluyna bailanysty JEO-2-degı alty qazandyqtyŋ tek üşeuı jūmys ıstep tūrǧanyn aitty.
– Äzırşe üş qazandyqtyŋ özı qalany tegıs jaryqpen qamtuǧa jetkılıktı bolyp otyr. Al qysta qazandyqtyŋ altauy da jūmys ısteidı. Eger aumaqtyq dispetcherlık ortalyqtan jaryqty köbeitu tūraly sūranys tüsse, onda rezervte tūrǧan qazandyqtardy ıske qosamyz, – deidı maşinist.
Kezınde jylu energetika ortalyqtarynda maman tapşylyǧy baiqalǧan eken. Al qazır elımızdıŋ ırı qalalaryndaǧy oqu oryndarda energetika mamandyqtary köptep aşylǧaly sūranys äjeptäuır azaiypty. Degenmen de bılıktı mamandardyŋ būl salaǧa artyq bolmaityny anyq.
Tütın de tazartylady
JEO – 2-de ortalyq jylu basqaru bölımderınen basqa, köptegen sehtar bar. Atap aitqanda, elektr, otyn tasymaldau, qūrylys-jöndeu, jylu avtomatikasy jäne ölşegış sehtary, himiia jäne avtokölık sehtary. Sonyŋ ışınde qorşaǧan ortany qorǧau zerthanasyna airyqşa toqtala ketkenımız jön. Öitkenı jylu energetikalyq ortalyǧynan şyǧatyn qaldyqtardyŋ qorşaǧan ortaǧa qanşalyqty äser etetını kım-kımdı de tolǧandyrary anyq. Atalǧan zerthana osy mäselemen ainalysady. Mūndaǧy zerthanaşylar öndırıs ornynan şyǧyp jatqan tütındı arnaiy tekserısten ötkızedı eken. Eger tütın qūramyndaǧy azot qyşqyly, kömırtegı, basqa da zattar şamadan tys köbeiıp ketse, dereu mamandarǧa habarlap, şara qoldanudy talap etedı.
Qazırgı taŋda tütındı tazalauǧa emulgator qondyrǧysy qoldanylady eken. Osy qondyrǧyǧa qosymşa su bergen kezde tütınnıŋ külderı sulanyp ışke tüsedı de tek taza gazy ǧana kökke köterıledı. Onyŋ qūramyndaǧy azot qyşqyly (NOx) belgılengen mölşerden aspaidy. Demek, qorşaǧan ortaǧa da ziiany joq.
Qymbat TOQTAMŪRAT