Jaqynda belgılı jazuşy-publisist, halyqaralyq «Alaş» ädebi syilyǧynyŋ iegerı, Qazaqstannyŋ eŋbek sıŋırgen qairatkerı Şärbanu Beisenova Şyǧys Qazaqstan oblysynyŋ qūrmettı azamaty atandy. Nūr-Sūltan qalasynyŋ Jazuşylar üiınde atalmyş oblys äkımınıŋ orynbasary Azamat Mūhamedchinov qalamgerge tiıstı kuälıktı tapsyrdy. Elorda äkımdıgınıŋ atynan qalalyq Tılderdı damytu jäne arhiv ısı basqarmasynyŋ basşysy Säken Esırkep qūrmet körsetıp, qūttyqtady.
Şärbanu Beisenova – Şyǧys Qazaqstan oblysy Ūlan audanynyŋ tumasy. Alǧaşqy tuyndylary da oblystyq «Kommunizm tuy» (qazırgı «Didar») gazetı men «Qazaqstan äielderı» jurnalynda tūraqty türde jariialanyp tūrdy. Bırqatar merzımdı basylymdarda eŋbektendı. Atap aitqanda, «Parasat» (būrynǧy «Mädeniet jäne tūrmys»), «Qazaqstan äielderı» jurnaldarynda, «Qazaq ädebietı» gazetınde ädebi qyzmetker, bölım meŋgeruşı boldy. Aqparat ministrlıgınıŋ baspa ısterı jönındegı departamentınde bas maman qyzmetın atqaryp, jaŋadan jaryq körgen kıtaptardyŋ nasihatymen ainalysty.
Jazuşynyŋ qalamynan tuǧan äŋgıme-povesterı oqyrman qauymnyŋ joǧary baǧasyn aldy. Tarihi taqyrypqa da qalam terbegen qalamger
«Süzgınıŋ soŋǧy künderı» hikaiatyn jazdy. «Ūly dala arulary» jobasy aiasynda «Süiınbike», «Bozoq aruy», «Ūrpaǧyna ūran bolǧan analar» kıtaptary jaryq kördı.
Saltanatty şaraǧa Şärbanu Qonaqbaiqyzynyŋ qalamger ärıptesterı – Memlekettık syilyq iegerlerı, aqyn Nesıpbek Aitūly men jazuşy Älıbek Asqarov, Jazuşylar odaǧy Nūr-Sūltan qalalyq filialynyŋ direktory Däuletkerei Käpūly qatysyp, tuǧan jerdıŋ qūrmettı ataǧymen qūttyqtady.
Baian Asylbekova
