Tıl saiasaty komitetınıŋ ūiymdastyruymen üş tıldı jetık meŋgergen memlekettık qyzmetşıler arasyndaǧy «Tıl şeberı-2021» respublikalyq baiqauy öttı. Baiqauǧa ortalyq atqaruşy organdardan memlekettık qyzmetşıler qatysyp, özara saiysqa tüstı.
Baiqaudyŋ maqsaty – memlekettık tıldıŋ qoldanys aiasy men märtebesın keŋeitu, üş tıldı jetık meŋgergen memlekettık qyzmetşılerdı anyqtau jäne qoldau, tıl mädenietın köteru, üştıldılıktı nasihattau. Dübırlı dodaǧa qyzyǧuşylyq tanytuşylar qarasy qalyŋ boldy. Degenmen jüzden jüirık şyqqandar oza şauyp, bäige aldy. Bas jüldenı Qazaqstan Respublikasy Bas prokuraturasy qoǧamdyq müddelerdı qorǧau qyzmetındegı bas prokurordyŋ aǧa kömekşısı Darhan Aitmaǧanbetov ielense, I oryndy Syrtqy ıster ministrlıgı halyqaralyq aqparat komitetınen basqarma basşysy Asqar Ermūhan, II oryndy Ädılet ministrlıgı ekonomika, qarjy jäne sauda salasyndaǧy jobalardy saraptau basqarmasynyŋ bas sarapşysy Almas Ädılhanov pen İndustriia jäne infraqūrylymdyq damu ministrlıgı memlekettık qorǧanystyq tapsyrys basqarmasynyŋ bas sarapşysy Elaman Uäli, III oryndy Memlekettık küzet qyzmetı qyzmetkerı Qūmar Sadyqov enşıledı.
Al jülde almaǧan basqa qatysuşylar Qazaqstan Respublikasy Bılım jäne ǧylym ministrlıgı Tıl saiasaty komitetınıŋ töraǧasynyŋ alǧys hatymen marapattaldy.
