Ūrlyq – adamdyqqa jatpaityn aram tırlık. Qazırgı taŋda bıreudıŋ adal eŋbegımen tapqan aqşasyn nemese ūialy telefonyn ūrlap, ony «käsıbıne» ainaldyrǧandar köp.
Bügınde ırı dükenderde, sauda oryndarynda, tıptı qoǧamdyq kölıkterde «Abailaŋyz, ūry!» degen saqtandyru taqtalary ılıngen. Ūrylardyŋ suretıne qarasaq, olardyŋ qatarynda jasy da, jasamysy da, äielı de, erkegı de bar. Bır qaraǧanda ūry ekenın tap basyp tanu qiyn.
Astanada jyl basynan berı 16 myŋnan astam ūrlyq tırkelgen. Onyŋ 1,4 myŋy – qalta ūrlyǧy. Qalta ūrlyǧy köbıne halyq jiı jüretın qoǧamdyq oryndarda nemese qoǧamdyq kölıkterde kezdesedı.
«Bır aidan berı elordalyq avtoparkke avtobus jürgızuşısı bolyp jūmysqa tūrdym. Osy uaqyt aralyǧynda ekı adamnyŋ sömkesı tonalǧanyna kuämın. Bırı aqşasyn ūrlatsa, ekınşısı ūialy telefonynan airyldy. Ne sebeptı ekenın bılmedım, ekeuı de ışkı ıster oryndaryna baryp aryzdanuǧa uaqyty joq ekendıkterın aitty. Onyŋ üstıne avtobusta beinebaqylau kamerasy bolmady» deidı elordalyq jürgızuşınıŋ bırı Abylai Eskermesov. Būdan baiqaǧanymyzdai, resmi tırkelmegen ūrlyqtyŋ sany qanşa?!
Däl qazır ūrlyqtyŋ örşitın kezeŋı. Lyq toly avtobusta qalyŋ kiıngen adamdar arasynda aram tırlıgın jasap jürgender joq dep aita almaimyz. Onyŋ üstıne qalta ūrlyǧynyŋ 80 paiyzy qoǧamdyq avtobustarda tırkelgen. Işkı ıster departamentınıŋ qūrylymynda qalta ūrlyǧyna qarsy arnaiy bölımşe jūmys ısteidı. Onyŋ kömegımen jyl basynan berı 200-den astam ūrlyq aşylǧan. Ūrlyqtyŋ aşyluyna köp jaǧdaida beinekameralar septıgın tigızedı. Desek te, beinebaqylau ornatylmaǧan kölıkter köp. Jyl soŋyna deiın avtobustarǧa 230 beinebaqylau ornatu közdelgen.
Qalta ūrlyǧy demekşı, ūstalǧan ūrylardyŋ köbı – būǧan deiın de bırneşe märte ıstı bolǧandar. Zaŋnyŋ osaldyǧy sol, qylmys orta deŋgeilı sanatqa jatqyzylǧandyqtan, ony qarau prokurormen kerı qaitarylady. Tek üşınşı ret ūstalǧan jaǧdaida ǧana qamauǧa alynady. Osy rette Astana qalasy Işkı ıster departamentınıŋ qyzmetkerlerı qoǧamdyq oryndarda jasalatyn ūrlyqtyŋ aldyn alu üşın azamattarǧa jeke zattaryna abai bolu kerektıgın eskertedı.
Gülmira AIMAǦANBET
