Ömır boiy eŋbek etıp, aqşa tauyp, qartaiǧanda sol beinettıŋ zeinetın köru üşın Bıryŋǧai jinaqtauşy zeinetaqy qoryna bärımız de salymşy bolamyz. Al «BJZQ» AQ-nyŋ Astana qalasy boiynşa filialynyŋ 2 bölımşesı bar. Bız sol filialdyŋ bırıne bas sūǧyp, operasiialyq bölım jūmysymen tanysyp qaittyq.
Elordanyŋ oŋ jaǧalauyndaǧy Talǧat Bigeldinov köşesınde ornalasqan bölımşede kelımdı-ketımdı halyqtyŋ aiaǧy üzılmeidı. Onyŋ üstıne biyl 1 şıldeden bastap Äleumettık kodeks küşıne engelı keletınder qatary ekı ese köbeigen eken. Atalǧan kodekste zeinetaqy jüiesıne qatysty bırqatar özgerıs qarastyrylyp, salymşylardyŋ investisiialyq mümkındıkterı keŋeitılgen. Jalpy filial boiynşa künıne ortaşa eseppen 200-ge juyq adam kelıp, Qordyŋ qyzmetıne jügınedı. «Qordyŋ jüregı» sanalatyn operasiialyq zalǧa kırıp, bız de köppen bırge talon aldyq. Söitıp, zeinetaqy qoryndaǧy qarjymyzdyŋ kölemın bıluge bekındık. Bölımnıŋ negızgı mındetı – jinaqtauşy zeinetaqy jüiesı aiasynda jeke jäne zaŋdy tūlǧalarǧa sapaly qyzmet körsetu. Arnaiy qūrylǧydan kezek talonymdy alǧan soŋ, köp uaqyt ötpei menı №6 üstelge şaqyrdy. Bölım qyzmetkerı Säule Ämırqūlova dereu jeke kuälıgımdı sūrap, Qordaǧy zeinetaqy şotymda merzımınen būryn aluǧa bolatyn qanşa qarjy bar ekenın jäne ony qandai maqsatta jūmsap, qanşa kölemde aluǧa bolatynyn aityp, tūşymdy aqparattar berdı.
– Būl aqparatty sız BJZQ-nyŋ qosymşasyn ūialy telefonyŋyzǧa jüktep alu arqyly da kez kelgen uaqytta bıle alasyz. Oǧan jeke säikestendıru nömırıŋız ben elektrondy-sifrlyq qoltaŋbaŋyz arqyly kıruge bolady. Sol jerde ai saiynǧy tölemder, Qorǧa tüsıp tūrǧan jarnaŋyzdyŋ kölemı turaly da aqparattardy tabasyz. Degenmen keibır egde jastaǧylar būl qosymşany bıle bermegendıkten nemese basqa da sūraqtar mazalasa, osynda özderı keledı. Ärine, keletınderdıŋ denı – zeinet jasyndaǧylar, sonymen qatar, jūmys ıstep jürgen azamattar da barşylyq. Olar qazırgı kezde Qordaǧy eŋ tömengı jetkılıktılık şegınen artyq aqşasyn merzımınen būryn alu, ony qandai maqsattarǧa, qalai aluǧa bolatyny turaly sūraqtarmen keledı. Osy jäne özge de mäseleler boiynşa qyzmet körsetu üşın bızdıŋ bölım taŋǧy saǧat 9:00-den keşkı saǧat 18:00-ge deiın üzılıssız jūmys ısteidı, – deidı bölım mamany.
Bölımşede salymşylarǧa bırneşe baǧytta qyzmet ūsynylady. Būl keibır azamattardyŋ ötınımı boiynşa olardyŋ tūrǧylyqty jerıne jol tartatyn baryp qyzmet körsetu toby, jerleu, mūragerlık jäne mügedekterge berıletın tölemder jasau siiaqty mäselelerdı qamtidy. Bölım qyzmetkerlerı keluşılerge zeinetaqy kalkuliatory, iaǧni «infokiosk» qūrylǧysynyŋ da jūmysyn körsetıp otyrady. Būl rette tūrǧyndar jeke derekterın engızu arqyly keleşekte alatyn zeinetaqysynyŋ mölşerın eseptei alady. Men de özımnıŋ 2044 jyly zeinetke şyqqanda şamamen 400 myŋ teŋgege juyq zeinetaqy alatynymdy osy kalkuliatordyŋ kömegımen anyqtadym. Ol üşın, ärine, älgındei mölşerdegı zeinetaqy alu üşın sol jasqa deiın bügıngıdei tūraqty jūmysymdy jalǧastyra beruım kerek…
Qor, sonymen qatar, Euraziialyq ekonomikalyq odaqqa müşe memleketterdıŋ eŋbekşılerın zeinetaqymen qamsyzdandyru turaly kelısım boiynşa uäkılettı operator bolyp sanalady. Būl qūjat EAEO-ǧa müşe memleketterdıŋ azamattaryn zeinetaqymen qamsyzdandyru salasyndaǧy qatynastardy retteuge baǧyttalǧan. EAEO-ǧa müşe ärbır memleket osy odaqqa müşe basqa memleketterdıŋ azamattaryna zeinetaqymen qamsyzdandyruǧa arnalǧan qūqyqtardy öz azamattaryna berıletın qūqyqtar kölemıne teŋ kölemde ūsynyluyna kepıldık beruı tiıs.
– Salymşylar bızge kelıp, özderın mazalaityn türlı sūraqqa jauap alady. Bırınşıden, zeinet jasyna jetken azamattar Bıryŋǧai jinaqtauşy zeinetaqy qoryna jinaǧan qarjylary turaly aqparat alyp, onyŋ ai saiyn qalai bölınetının bıledı. Sonymen qatar I, II toptaǧy mügedektıgı merzımsız dep tanylǧan adamdardan üiıne baryp qyzmet körsetuge orai sūranymdar tüsedı. Sondai-aq, jūrtşylyq bızdıŋ jüienıŋ elektrondy qyzmet körsetu serverıne qosylu turaly keŋes aluǧa keledı. Bügınderı elektrondy-sifrlyq qoltaŋbasy bar kez kelgen azamattyŋ Qor saity arqyly jeke zeinetaqy şotyn aşu turaly ötınış beruge, jeke zeinetaqy şotynan köşırme aluǧa, özı turaly, iaǧni telefon nömırı, mekenjaiy auysqan jaǧdaida özgerıs engızuge mümkındıgı bar, – deidı operasiialyq bölım bastyǧy Janar Jūmaşeva.
Qordyŋ eŋ maŋyzdy qyzmetınıŋ bırı – zeinetaqy jüiesındegı özgerısterdı der kezınde halyqqa jetkızu. Ekınşı qyzmet türı – özgergen mekenjailardy, merzımı ötken qūjattar men telefon nömırlerın engızu. Sondai-aq, qaitys bolǧan salymşylardy jerleuge arnalǧan bırjolǧy qarajatty alu maqsatynda qajettı qūjattar men mūragerlıktı resımdeuge bailanysty tiıstı qūjattaryn qabyldau.
– Zeinetaqy qorynyŋ qyzmetterı onlain rejimde de jüzege asyrylady. Elektrondy-sifrlyq qoltaŋba arqyly Qor saityna kırıp, är azamat öz zeinetaqy şotyndaǧy qarjyny köre alady. Būl salymşylarymyzdyŋ 24 saǧat boiyna aqparat aluyna mümkındık beredı. Öz kezegımızde olardan salymdaryn tūraqty türde baqylap otyruyn sūraimyz. Salymnyŋ tūraqty boluyna qarai eŋbek ötılı qalyptasady. Bazalyq zeinetaqy da, jalpy eŋbek ötılı de soǧan bailanysty bolady, – deidı bölım basşysy.
Qor ökılderınıŋ aituynşa, jarna audarudyŋ üş joly bar. Bırınşısı, mındettı jarna, būl ai saiynǧy tabystyŋ 10 paiyzynan jinalady. Ekınşısı, käsıptık jarna, būl ziiandy eŋbek jaǧdaiynda jūmys ısteitınderdıŋ jūmys beruşılerı audaratyn jarna. Üşınşısı, erıktı jarna, ony qanşa mölşerde jäne qai uaqytta audarudy salymşylar öz qalauymen anyqtaidy.
Jalpy Qor jūmysyn jetıldıru barysynda jaŋaşylyqtyŋ köp ekenıne būl joly da kuä bolyp qaittyq. Qyzmetterdıŋ basym bölıgı sifrlyq jüienıŋ arqasynda qaşyqtan körsetıledı. Mūnyŋ bärı äsırese qartaiǧan nemese mügedek jandardyŋ üiden şyqpai-aq, Qor qyzmetın paidalanuyna mümkındık berıp otyr.
