Qant diabetı köbeidı
Densaulyq saqtau ministrlıgı elımızde qant diabetıne şaldyqqan qazaqstandyqtar sany 62%-ǧa östı dep dabyl qaqty. Būl turaly Ükımet otyrysynda vedomstvolyq ministr Ajar Ǧiniiat mälımdedı.
Onyŋ aituynşa, elımızde sozylmaly infeksiialyq emes aurular sanynyŋ ösuı densaulyq saqtau jüiesıne de, jalpy el ekonomikasyna da jüktemenıŋ ūlǧaiuyna yqpal etıp otyr.
«Qazaqstandaǧy barlyq ölım-jıtımnıŋ 84%-ǧa juyǧynyŋ sebebı – infeksiialyq emes aurular. Soŋǧy zertteu derekterı boiynşa infeksiialyq emes aurulardyŋ tört negızgı tobynyŋ: jürek-qantamyr aurulary, qant diabetı, sozylmaly respiratorlyq jäne qaterlı ısık aurulary mezgılsız qaitys bolu yqtimaldyǧy äieldermen salystyrǧanda er adamdarda 27%-ǧa basym bolyp keledı» dep atap öttı elımızdıŋ bas därıgerı.
Sondai-aq ol taǧy bır alaŋdaityn mäsele – balalardyŋ arasynda artyq salmaq pen qant diabetınıŋ kürt ösuı.
«6-9 jastaǧy balalardyŋ arasynda artyq dene salmaǧynyŋ taraluy 20,6%-dy qūraidy. Iаǧni ūldardyŋ arasynda 23,6%-ǧa, qyzdardyŋ arasynda 17,6%-ǧa artqan. Onyŋ ışınde balalardyŋ 6,6%-y semızdıkpen auyrady. Qant diabetımen syrqattanudyŋ 62%-ǧa öskenı baiqalady. Eger 2015 jyly būl körsetkış 100 myŋ halyqqa şaqqanda 173-tı qūrasa, 2021 jyly būl körsetkış 100 myŋ halyqqa şaqqanda 280-ge jettı» dedı ministr.