Astana qalasynyŋ äkımı Äset İsekeşev elordalyq ardagerlermen kezdestı. Būl jiynda qarttar men zeinetkerlerge äleumettık qoldau körsetu jönındegı keşendı şaralar jaiy söz boldy.
Qalalyq Ardagerler keŋesınıŋ töraǧasy Sansyzbai Esılov jäne ūiym müşelerımen äŋgımelesken äkım bas şahardaǧy äleumettık toptarǧa körsetıletın kömek jönınde aitty. Zeinetkerler qoǧamdyq kölıkpen tegın jüredı, Ūly Otan soǧysyna qatysqandar men mügedekter ai saiyn jergılıktı biudjet esebınen kommunaldyq tölemder men telefon üşın abonenttık tölem jasau jäne taǧy basqalar üşın aqşalai türde äleumettık kömek alyp tūrady.
«Prezident özınıŋ Joldaularynda memleket halyqtyŋ äleumettık osal toptaryna qoldau körsetuge qarjy aiamaitynyn jäne moinyna alǧan barlyq äleumettık mındettemelerdı oryndaitynyn atap ötedı. 2016 jyldyŋ 1 qaŋtarynan bastap zeinetaqy tölemınıŋ kölemı 9 paiyzǧa artty, mügedektık, asyrauşysynan aiyrylǧany boiynşa jäne jasyna qarai tölenetın memlekettık äleumettık tölemderdıŋ mölşerı 7 paiyzǧa östı» dedı Ä.İsekeşev. Onyŋ aituynşa, elordada ŪOS ardagerlerı baspanamen qamtyldy, qalalyq äkımdık zeinetkerler men ardagerlerge qoldau körsetudı jalǧastyrady.
Öz kezegınde, ardagerler men zeinetkerler äkımge qala tūrǧyndaryn tolǧandyratyn mäseleler jaily aityp berdı. Jaqyn arada qalada ardagerlerdıŋ bos uaqytyn tiımdı ötkızuıne arnalǧan şaǧyn ortalyqtar aşylady. Mūqtaj azamattardy därı-därmektermen qamtamasyz etuge de basa nazar audaryldy. Jinalǧandar därılık zattardyŋ baǧasynyŋ negızsız ösuıne jol bermeudıŋ maŋyzdy ekendıgın atap öttı.
Kezdesu soŋynda qala äkımdıgınıŋ tiıstı basqarmalaryna tapsyrmalar berıldı.
