Keşe Astana qalalyq mäslihatynda ötken qoǧamdyq keŋeste bırqatar auqymdy mäseleler qaraldy. Aldymen Astana qalalyq Jūmyspen qamtu, eŋbek jäne äleumettık qorǧau basqarmasy basşysynyŋ orynbasary Artem Äbıldinov osy salada atqarylyp jatqan jūmystar jaiynda söz qozǧady. Onyŋ aituynşa, biylǧy jyly äleumettık tölemderge 4 mlrd 570 mln teŋge bölıngen.
Jergılıktı biudjet esebınen mümkındıgı şekteulı jandarǧa, sonyŋ ışınde balalarǧa, zeinetkerlerge tegın qyzmet körsetu jäne aqşalai tölem jasau türınde 1 mlrd 997 mln teŋgege äleumettık kömek berılgen. Sondai-aq, 100-den asa adamǧa türlı qarjylai qoldau körsetılgen.
Odan keiın qalalyq Qarjy basqarmasynyŋ ökılı Normativtık qūqyqtyq aktılerdıŋ jobalaryn qarastyru jaiynda qysqaşa baiandama jasady.
Bılım basqarmasynyŋ basşysy Qasymhan Senǧaziev mektepke deiıngı ūiymdar töŋıregınde äŋgıme örbıttı. Bügınde bas qalada balabaqşaǧa kezekte tūrǧan balǧyndar sany 25 myŋnan asady eken. Sondyqtan osy mäselenı şeşu üşın memlekettık tapsyryspen jūmys ısteitın jekemenşık balabaqşalarǧa köbırek mümkındık berılıp otyr. Belgılı jurnalist Bibıgül Jeksenbai balabaqşadaǧy mamandar tapşylyǧyn alǧa tartty. «Menı memlekettık balabaqşadaǧy kadr mäselesı alaŋdatady. Tärbieşıler jiı auysady. Olardyŋ käsıbi deŋgeiı tömen. Mümkın, mamandardyŋ äleumettık jaǧdaiyn jaqsartudyŋ basqa da joldaryn qarastyru qajet şyǧar?!» dedı ol. Öz kezegınde Qasymhan Senǧaziev: «Kadr mäselesı bız üşın ötkır taqyryp bolyp otyr.
2013 jyldan berı Astanadaǧy Gumanitarlyq koledjge memlekettık tapsyryspen jylyna 50 tülekten köbeitıp oqytamyz. Negızı, balabaqşalarda qyzmet ısteitın tärbieşılerdıŋ 40 paiyzy basqa maman ielerı sanalady. Sol üşın myŋ jarym mamandy qaita oqytu kurstaryn ötkızdık. Mäselen, jekemenşık balabaqşalarda mamandardyŋ eŋbekaqysy joǧary. Köbınese soǧan auysyp ketedı» dep jauap berdı.
