Biylǧy Qarttar künı Astanada erekşe toilandy. Kündız fleşmob bilegen ata-äjeler tüste merekelık dastarqannan däm tatty. Qalalyq qariialar ärı qarai «Jastar» saraiynda ötken «Şyn jürekten şyqqan äserlı sözder» konsertın tamaşalady.
Eŋ aldymen 300-ge juyq zeinetker «Ardagerler salauatty ömır saltyn qoldaidy» taqyrybyndaǧy fleşmobqa qatysty. Būl şaraǧa ūiytqy bolǧan qalalyq Ardagerler keŋesı men Almaty, Saryarqa, Esıl audandarynyŋ Ardagerler keŋesı. Sonymen bırge Qarttar künındegı sporttyq şaraǧa Mädeniet, mūraǧattar jäne qūjattama basqarmasy men Deneşynyqtyru jäne sport basqarmasy qoldau körsetken.
Jastarǧa sekıldı jasamystarǧa da deneşynyqtyru taŋsyq emes. «Bügıngı fleşmob – jalǧasyn tabuy tiıs jaqsy bastama. Zamandastarymyzdyŋ arasynda qartaiǧanda jügırıp, jattyǧu jasauǧa ūialyp, ne bolmasa bır jerımdı auyrtyp alam dep qorqatyndar bar. Būl bır serıgu ǧoi. Ony endı kündelıktı ädetke ainaldyru kerek. Mäselen, özımnıŋ fitneske qatysyp jürgenıme biyl mıne üş jyl» deidı özın Nina İvanovna dep tanystyrǧan äje. Al, Qalalyq ardagerler keŋesı töraǧasynyŋ orynbasary Esbolat Düisenov qarttardyŋ zerıgıp bos otyratyn uaqyty joq deidı. «Şahmat oinaidy, qysta şaŋǧymen jarysady, aramyzda sport şeberlerı de barşylyq» deidı ol.
Būdan bölek, jetpıstıŋ jelkenın kergen jüzge juyq ardager qala meimanhanalarynyŋ bırınde ūiymdastyrylǧan otyrysta qonaq boldy. Olardyŋ qatarynda S.Seifullin atyndaǧy Qazaq agrotehnikalyq universitetınıŋ qūrmettı ūstazdary, bılıktı qyzmetkerlerı boldy. Tülekter kluby būl igı şarany üşınşı jyl qatarynan ötkızıp keledı. Atalmyş oqu ornyndaǧy Tülekter kluby töraǧasynyŋ orynbasary Aleksandr Maierdıŋ aituynşa, universitettıŋ är jyldaǧy şäkırtterı qarttar künındegı toidy özderı kötergen. Mäselen, kelgen ata-äjelerge alǧys hat tabystaldy, 10 myŋ teŋge kölemınde syilyq pen jiynda tüske fotosuretter estelık retınde berıldı.
Al, tüsten keiın 1 myŋǧa juyq astanalyq ardager «Jastar» saraiynda jinaldy. Būl jerde meiram ielerı qolöner körmesın tamaşalady. Körmege qoiylǧan origami, örılgen sebet, qūraq körpe, oiulanǧan jastyq, qazaqy qorjyn, türlı äşekei, kestelenıp tıgılgen kartinalar syndy san türlı būiymdardy elordalyq ardagerler qataryndaǧy äjeler jasaǧan.
Merekelık konsertte «Jastar» saraiynyŋ şyǧarmaşylyq ūjymdary, astanalyq eŋbek ardagerlerınıŋ hory, memlekettık «Naz» bi teatry men elordalyq sirk ärtısterı öner körsettı.
– Bügınde Astanada 72 myŋ zeinetker bar. Qala äkımdıgı olardyŋ bar jaǧdaiyn jasauǧa erekşe köŋıl bölıp keledı, – deidı qala äkımınıŋ orynbasary Ermek Amanşaev. Onyŋ aituynşa, merekege orai qarttyq jasqa kelgen astanalyq 56500 zeinetkerdıŋ zeinetaqysyna qosymşa 5 myŋ teŋge audarylady.
Mädina JAQYP
