Memleket basşysy Türıkmenstan Halk Maslahatynyŋ töraǧasy Gurbanguly Berdımūhamedovpen kezdestı. Qasym-Jomart Toqaev Türkı memleketterı ūiymynyŋ H sammitıne özı arnaiy qatysqany üşın Gurbanguly Berdımūhamedovke rizaşylyǧyn bıldırdı.
Qazaqstan Prezidentı Türıkmenstan Halk Maslahatynyŋ töraǧasymen bügıngı kezdesuı bauyrlas ekı el men onyŋ halyqtary arasyndaǧy özara serıktestıktıŋ odan ärı nyǧaiuyna yqpal etetının atap öttı. Memleket basşysynyŋ aituynşa, qazaq-türıkmen qarym-qatynasy tabysty damuda jäne strategiialyq ärıptestıktıŋ deŋgeiıne tolyq sai keledı.
– Qazaqstanda Sızdı Türıkmenstannyŋ köşbasşysy, zamanymyzdyŋ körnektı memleket qairatkerı retınde tanidy. Sız Qazaqstan men Türıkmenstan arasyndaǧy yntymaqtastyqtyŋ damuyna zor üles qostyŋyz. Sondyqtan Sızdıŋ osy jiynǧa keluıŋızdıŋ jäne bügıngı kezdesuımızdıŋ saiasi mänı zor dep sanaimyn. Ekı eldıŋ yntymaqtastyǧyn odan ärı nyǧaitu tūrǧysynan pysyqtaityn ortaq ısterımız bar. Bız bauyrlas ärı körşıles eldermız. Qazaqstan men Türıkmenstan arasynda eşqandai tüitkıl joq. Ekı el bır-bırıne qaşanda tıleules, – dedı Memleket basşysy.
Öz kezegınde Gurbanguly Berdımūhamedov Türkı memleketterı ūiymynyŋ mereitoilyq sammitıne qatysuǧa şaqyrǧany üşın Qasym-Jomart Toqaevqa alǧys aityp, ekı eldıŋ yntymaqtastyǧyn joǧary baǧalady.
– Bız osy jyldar ışınde syrtqy saiasat, sauda-ekonomikalyq jäne mädeni-gumanitarlyq bailanystarymyz boiynşa qūqyqtyq baza qalyptastyrdyq. Syrtqy saiasi mäselede Sızge alǧysymyz şeksız. Sız bızdıŋ beitarap ūstanymymyzdy ärdaiym qoldap kelesız. Būdan bölek, Bırıkken Ūlttar Ūiymy qūrylymynda basşylyq qyzmet ıstei jürıp, bızdıŋ syrtqy saiasi baǧdarymyz üşın köp jūmys atqardyŋyz. Sol üşın Sızge alǧysymyz şeksız, – dedı Türıkmenstan Halk Maslahatynyŋ töraǧasy.
Taraptar özara sauda-sattyqta oŋ dinamika bar ekenın atap ötıp, energetika, önerkäsıp, kölık, logistika jäne basqa da salalardaǧy jobalardyŋ jüzege asyrylu barysyn talqylady.
Sonymen qatar kezdesu barysynda Qasym-Jomart Toqaev pen Gurbanguly Berdımūhamedov mädeni-gumanitarlyq bailanystardy odan ärı nyǧaituǧa daiyn ekenın rastady.
