«Jūmyspen qamtudyŋ jol kartasy» baǧdarlamasy aiasynda daǧdarysqa qarsy dep bölıngen biudjet qarajatynyŋ jūmsaluynda kemşılıkter bar. Elordanyŋ Qoǧamdyq densaulyq saqtau basqarmasyna memlekettık audit jürgızgen Nūr-Sūltan qalasy boiynşa Tekseru komissiiasy sondai qorytyndyǧa keldı. Pandemiiamen küreske bailanysty bölıngen qarajat ekonomikalyq tūraqtylyqty jäne tötenşe jaǧdai rejimın qamtamasyz etuge baǧyttalǧan bolatyn.
«Jūmyspen qamtudyŋ jol kartasy» baǧdarlamasynyŋ negızgı maqsaty – jūmyssyzdyq deŋgeiınıŋ ösuıne jol bermeu, qosymşa jūmys oryndaryn qūryp, kırısterdı köbeituge yqpal etu. Osy aptada audit jūmysynyŋ qorytyndylarymen tanystyrǧan komissiia müşelerı atalǧan baǧdarlama şeŋberınde jūmysqa ornalastyru boiynşa derekterde naqtylyqtyŋ joqtyǧy, josparly körsetkışterdı tömendetu faktılerı anyqtalǧanyn jetkızdı.
– Mäselen, «Medisinalyq densaulyq saqtau ūiymdarynyŋ kürdelı şyǧystary» biudjettık baǧdarlamasy boiynşa «Jūmyspen qamtudyŋ jol kartasy» baǧdarlamasy şeŋberınde 2020-2021 jyldary kemınde 42 jūmys ornyn qūru közdeldı. Būl rette QR Ükımetı janyndaǧy Halyqty jūmyspen qamtu mäselelerı jönındegı vedomstvoaralyq komissiianyŋ şeşımımen üş nysan boiynşa – 163, onyŋ ışınde 66 tūraqty jäne 97 uaqytşa jūmys ornyn qūru josparlanǧan. Alaida audit barysynda uaqytşa jūmys oryndaryna 68 adamnyŋ ǧana jūmysqa ornalastyrylǧany mälım boldy. Sonymen qatar basqarmanyŋ «Jūmyspen qamtudyŋ jol kartasy» boiynşa ıske asyrylyp jatqan investisiialyq jobalardy jüzege asyru barysy turaly esebınde 146 jūmys orny, onyŋ ışınde 97 uaqytşa jäne 49 tūraqty jūmys orny qūrylǧandyǧy körsetılgen, – dedı Tekseru komissiiasynyŋ müşesı Amandyq Moldaşev.
Saryarqa audanynyŋ prokuraturasy qaladaǧy emhanalardyŋ bırıne jöndeu jürgızu kezınde merdıger mekemege qatysy joq jalǧan 31 jūmys orny qūrylǧanyn anyqtady. Osylaişa JQJK baǧdarlamasy boiynşa jūmys oryndaryn qūru arqyly daǧdarysqa qarsy ıs-şaralar tiımsız ıske asyrylǧan. Öitkenı taŋdalǧan infraqūrylymdyq jobalarda jūmys oryndary qajet etılgendei köp emes jäne jūmys ūzaqtyǧy men jūmysqa ornalastyrylǧan jūmyssyzdar sany boiynşa barynşa köbırek adamdy jūmyspen qamtamasyz etpeidı. Halyqty jūmyspen qamtu ortalyǧy arqyly qabyldanǧan qyzmetkerler nysandardaǧy jöndeu jūmystary aiaqtalysymen jūmystan bosatylǧan. Sonyŋ nätijesınde jūmysqa ornalastyrudyŋ tiıstı körsetkışterıne tek uaqytşa az ǧana merzımge qol jetkızılgen.
Būdan basqa infraqūrylymdyq nysandarǧa kürdelı jöndeu jürgızu kezınde «QR säulet jäne qala qūrylysy, zeinetaqymen qamsyzdandyru, buhgalterlık esep» jäne biudjet zaŋnamasynyŋ normalary būzylǧandyǧy anyqtaldy. Tapsyrys beruşıler jasalǧan operasiialardyŋ, onyŋ ışınde oryndalǧan jūmystar aktılerı boiynşa operasiialardyŋ tolyqtyǧy men anyqtyǧyn qamtamasyz etpegen.
Sonymen qatar medisinalyq densaulyq saqtau ūiymdary qyzmetkerlerınıŋ jalaqysyn arttyruǧa jäne bılım aluşylar şäkırtaqysynyŋ mölşerın ūlǧaituǧa bölıngen biudjet qarajatyn paidalanuda da kemşılıkterge jol berılgen. Oǧan qosa, zaŋnamalyq aktılerde jäne käsıporyndardyŋ jarǧysynda közdelgen tiıstı räsımder saqtalmai, tölem qory negızsız ūlǧaitylǧan. Tekseru komissiiasynyŋ töraǧasy İmanjüsıp Aqpombaevtyŋ aituynşa, biudjettık baǧdarlamalardy äzırleu jäne bekıtu kezınde ony daiyndau talaptary saqtalmaǧan. Qarajatty josparlauda biudjet jüiesınıŋ qaǧidattaryn saqtamau biudjetke qaitaryluy tiıs nysanaly transfertterdıŋ bırşama bölıgınıŋ igerılmeuıne äkeldı.
Jalpy memlekettık audit qorytyndylary boiynşa 538329,7 teŋge somasyna qarjylyq zaŋ būzuşylyqtar anyqtaldy. Anyqtalǧan kemşılıkterdıŋ 8 faktısı boiynşa audit materialdary prosessualdyq şaralar qabyldau üşın tiıstı uäkılettı organdarǧa jıberıldı. Qorytyndy jiynda osy mäselelerge bailanysty sūraqtarǧa Nūr-Sūltan qalasynyŋ Qoǧamdyq densaulyq saqtau basqarmasy ökılderı jauap berıp, sol taqyrypta baiandama jasady. Tekseru komissiiasy anyqtalǧan kemşılıkterdı joiu üşın äzırlegen tapsyrmalar men ūsynymdardy audit nysandaryna joldady.
