Täuelsızdık künınıŋ mänı de, maǧynasy da ärbır qazaqstandyq üşın qasterlı. Öitkenı täuelsızdıkke qol jetkızu būl bızdıŋ ata-babalarymyzdyŋ san ǧasyrlar boiy armandaǧan asyl armany bolatyn. Bız būl armanǧa 1991 jyly 16 jeltoqsanda qol jetkızdık. Sol künı täuelsız Qazaqstannyŋ kögınde kök bairaǧy köterılıp, änūrany şyrqaldy.
Jaŋa tarih jadynda täuelsızdık – altyn ärıppen jazylatyn bızdıŋ basty qasterlı qūndylyǧymyz.
Jaŋa täuelsız memleketımızdıŋ qūrylǧanyna 32 jyl boldy. Tarih tūrǧysynan alǧanda, būl qas-qaǧym sät. Soǧan qaramastan qazaq elı älemdık qauymdastyqtyŋ ortasynda öz ornyn oiyp tūryp aiqyndap aldy.
Keide keibır «Ūltşyl patriot» azamattarymyz «Egemendık bızge qan tögıssız keldı, sondyqtan da bız onyŋ qadır-qasietın tüsınbei jürmız» degen pıkır aitady. Būl – mülde qate pıkır. Täuelsızdıkke qol jetkızude bızdıŋ taŋdaǧan jolymyz beibıt saiasat boldy. Kezınde ataqty Qazybek bi Joŋǧardyŋ qontaişysyna barǧanda qazaq elın tanystyra tūryp, «Bız qazaq degen mal baqqan elmız, bıraq eşkımge soqtyqpai jai jatqan, …dosymyzdy saqtai bılgen, däm-tūzyn aqtai bılgen elmız» degen eken. Däl osyndai beibıt saiasatty egemendıktıŋ alǧaşqy künınen bastap, basty ūstanymǧa ainaldyrdyq.
Elımız täuelsızdıktıŋ alǧaşqy künderınen bastap beibıt jäne köpvektorly saiasat ūstandy. Tarih keide qaitalanady. Abylaidyŋ zamany bügıngı tūsta qaitalanyp, geosaiasi jaǧdai şielenısıp tūr. Batysymyzda Resei men Europa elderı özara teke-tıreste otyr. Şyǧysymyzda alyp Qytai memleketı tūr. Osy alyptar arasynda Memleket basşysy Qasym-Jomart Toqaev şeber saiasat jürgızuınıŋ arqasynda, elımız körşılermen beibıt qarym-qatynas ornatyp, elımızdıŋ ekonomikalyq äleuetın arttyruda.
Egemendıktıŋ eŋ basty şarty şekarany şegelep alu bolsa, bız ony deiure, defakto tolyǧymen şeşıp aldyq. Halyqaralyq qauymdastyqtar aldynda bız şekaramyzdy osylaişa tolyǧymen aiqyndadyq. Būl – jas egemendı eldıŋ eŋ ülken jetıstıgı.
Ekınşıden, keŋes däuırınen qalǧan Semei poligonyn jauyp, iadrolyq qarudan bas tartyp, älemge özımızdı taǧy da beibıt saiasat ūstanǧan memleket retınde jariialadyq.
Üşınşıden, egemendık jyldar ışınde elge 340 mlrd astam şetel investisiiasy tartyldy. Būdan basqa halyqaralyq maŋyzy bar Batys Qytai – Batys Evropa avtomobil jolyn, 3 myŋ km temırjol jelısı salyndy. Elde qanşama jaŋa önerkäsıp oryndary aşyldy. Halyq sany 20 mln asyp, ömır süru ūzaqtyǧy 74 jasqa jettı.
Törtınşıden, eldegı ūltaralyq kelısım men bırlıktı saqtai bıldık. Osy maqsatta Otanymyzdy mekendegen 130-dan astam ūlt pen ūlystardyŋ basyn bırıktıretın, 1995 jylǧy 1 nauryzda Qazaqstan halqy Assambleiasyn qūru turaly jarlyǧy şyqty. Bügınde būl saiasi institut älem moiyndaǧan qazaqstandyq modelge ainaldy.
Besınşıden, Arqanyŋ törınen egemendı eldıŋ astanasyn saldyrdy. Qanşama keremettei zamanaui mädeni, ǧylymi, biznes ortalyqtary, sport, demalys-sauda keşenderı boi köterdı. Keşegı 200 myŋ halqy bar oblys ortalyǧy bügınde 1 mln 375 myŋnan astam halqy bar megapoliske ainaldy. Elımızde ülken saiasi jäne ekonomikalyq reformalardyŋ jaŋa kezeŋı bastaldy. Ülken saiasi oqiǧalardyŋ kuäsı boldy. Prezident, Parlament, Mäjılıs pen mäslihat, sondai-aq auyl men audan äkımder sailauyn ädılettı de, abyroily ötkızdık. Qoǧamda «Halyq ünıne qūlaq asatyn ükımet» qaǧidaty ornady. Sonymen bırge, bilıktı ortalyqsyzdandyru prosesı bastaldy. Azamattyq qoǧamnyŋ belsendılıgı artty. Būqara halyqtyŋ bilıkke degen senımı molaiyp, ädılettı qoǧam qūru jolynda bırlıgı men yntymaǧy küşeidı. Osy atqarylyp jatqan ısterdıŋ barlyǧy da täuelsızdıgımızdı tūǧyrly etu üşın jasaluda.
Ūrpaq auysar, älem de özgerer, eŋ bastysy, keleşek ūrpaqqa älemdık derjavalarmen terezesı teŋ täuelsız memleket qaldyru bızdıŋ basty ūstanymymyz boluy şart.
Sondyqtan barşamyz täuelsızdıgımız tūǧyrly, egemendıgımız eŋselı etu jolynda eltūtqalardyŋ ainalasyna toptanyp, «Jūmyla kötergen jük jeŋıl» demekşı, eldıgımızdı eŋsere tüseiık. Mereke qūtty bolǧai!
Zulfuhar ǦAIYPOV,
Astana qalasy Qoǧamdyq
keŋesınıŋ töraǧasy, QR Ūlttyq
Qūryltai müşesı
