Keşe «EKSPO-2017» körmesıne qatysuǧa tılek bıldırgen elderden ötınış qabyldau merzımı aiaqtaldy. Sonymen, elorda törınde ötetın aituly şaraǧa 115 memleket pen 20 halyqaralyq ūiym qatysatyn boldy. Al 82 eldıŋ ūlttyq künı belgılendı.
«EKSPO-2017» körmesınıŋ aşyluyna tura 72 kün qaldy. Bügınde ūiymdastyru jūmystary aiaqtalǧan. Şeteldık qatysuşylardyŋ aldy öz pavilondaryn jasaqtauǧa kırısıp kettı.
– «EKSPO-2017» halyqaralyq körmesıne naqty 115 el qatysatyn boldy. Olardyŋ köbı körme aumaǧynda ornalasqan pavilondarda daiyndyq jūmystaryn jürgızude. Elımız körmege qatysatyn memleket pen ūiymdar sany jönınen rekordtyq körsetkışke jettı. Mūny Halyqaralyq körme biurosy da rastady, – deidı «Astana EKSPO-2017» Ūlttyq kompaniiasy Kommersiialyq departamentı direktorynyŋ orynbasary İlia Orazaqov.
Qazaqstan osylaişa körmege qatysuşy elderdıŋ sany jaǧynan alǧaşqy üştıkke enbekşı. Kezınde özderı ūiymdastyrǧan körmege 140 eldı qatystyrǧan Portugaliia köş bastasa, odan keiıngı oryndy 121 eldıŋ basyn qosqan Qytai ielengen eken.
Jalpy, qatysuşy elderge körme aumaǧynan pavilondar ülestıru arnauly kelısımşart boiynşa tegın jürgızılude. Bıraq, jabdyqtau jūmystaryna ketken şyǧyndy qatysuşy el özderı köteredı. Būiyrtsa, säuır aiynyŋ soŋyna deiın pavilondardy jabdyqtau jūmystary tügel aiaqtalady.
«Qazırgı uaqytta halyqaralyq ūiymdar ǧana körmege qatysuǧa ötınış bere alady. Aldaǧy jūmystardyŋ negızı baǧyty – ekspozisiialarǧa nazar audaru. Ärbır memleket körme qonaqtaryna özderınıŋ innovasiialyq önımderı men mädenietın ūsynady. Körmege ūsynatyn jobalaryna da talap qoiamyz» dep tüiındedı İlia Orazaqov.
Gülmira
AIMAǦANBET,
«Astana aqşamy»
