Nūr-Sūltan qalasynyŋ komendanty qaladaǧy jaǧdai tolyq baqylauda ekenın atap öttı. Qūqyq qorǧau organdarynyŋ qyzmetkerlerı qoǧamdyq tärtıp pen azamattardyŋ qauıpsızdıgın tiıstı deŋgeide qamtamasyz etude.
Elordada TJ rejimı aiasynda komendanttyq saǧat 23.00-den taŋǧy 07.00-ge deiın jalǧasady. Sondai-aq qalada profilaktikalyq ıs-şaralar jürgızılude, polisiia eldı mekenderdı aralap jür. Osy kezeŋde zaŋsyz ıs-äreketterge jol bermeu jäne köşı-qon zaŋnamasyn būzuşylyqtardy anyqtau maqsatynda 4649 jaldamaly tūrǧyn üi men 420 hostel tekserıldı. Tekseru barysynda 1372 köşı-qon zaŋnamasyn būzuşylyq anyqtaldy, 38 şeteldık elden şyǧaryldy. TJ rejimın būzǧany üşın QR ÄQBK 476-baby boiynşa 318 adam äkımşılık jauapkerşılıkke tartyldy, onyŋ 30-y qamauǧa alynyp, 137-sıne aiyppūl salyndy. Elordadaǧy jol qauıpsızdıgı de baqylauda. TJ kezınde mas küide kölık jürgızudıŋ 10 faktısınıŋ joly kesıldı, barlyq jürgızuşı sot şeşımı boiynşa qamauǧa alyndy.
«Osy qiyn kezeŋde azamattar tarapynan nemqūraidylyqqa jol berılmeidı. Eske salamyn, tötenşe jaǧdai kezınde alkogol önımderın satuǧa tyiym salynǧan. Tärtıp būzuşylyqtar anyqtalǧan jaǧdaida lisenziiasynan aiyruǧa deiın qataŋ jazalanady» dedı Nūr-Sūltan qalasynyŋ komendanty Erjan Sädenov.
Polisiia beketterıne erekşe köŋıl bölınedı. Olar ornatylǧan sätten bastap 50 myŋǧa juyq avtokölık tyiym salynǧan zattardy anyqtau üşın mūqiiat tekserıldı. Qala boiynşa jäne blokbeketterden 2 tegıs ūŋǧyly «saiǧa» qaruy, «RGD-5» oqu-jattyǧu granatasy, «CZvz.27» markaly tapanşa, travmatikalyq tapanşa, dene brondary, oq-därıler, 11 bit, 5 rezeŋke taiaqşalar, kastetter, taiaqşalar, pyşaqtar, aerozoldı tapanşa, tūtqalar jäne būryş spreiı tärkılendı. Barlyq faktı boiynşa tekseru jürgızıledı.
