Täuelsızdıktıŋ şirek ǧasyr toiyna arnap QR Mädeniet jäne sport ministrlıgı men Astanadaǧy Ūlttyq akademiialyq kıtaphanasynyŋ ūiytqy boluymen bırqatar şet memleketterde «Qazaq ädebietınıŋ ortalyǧy» aşyldy.
Halqymyz söz önerıne Qūlagerdei jüirık ekenı mälım. Äsırese, älemdık ruhaniiattan öz ornyn oiyp alǧan qazaq ädebietınıŋ de jūrtşylyq süisınıp oqityn ınju-marjandary jeterlık. Ärıge barmai-aq, ötken jiyrmasynşy ǧasyrda ǧūmyr keşken alybymyz Mūhtar Äuezov «Abai joly» romanymen halqymyzdyŋ san ǧasyrlyq dästürı men danalyǧyn, mädenietı men parasattylyǧyn, ǧajaiyp sūlu sazǧa örılgen tılı men tanymyn jer-jahanǧa jarqyratyp körsetken edı. Mıne, osyndai saf altyn sekıldı eşqaşan tot baspaityn asyl qazynalarymyzdy älemdık deŋgeide nasihattauǧa jaŋa aşylǧan ortalyqtardyŋ bererı mol bolmaq.
«Mūndai ortalyqty şetelderde aşudaǧy basty maqsatymyz – elden jyraqta jürgen qandastarymyz ben Qazaqstan jaily köbırek bılgısı keletın şeteldık azamattarǧa elımızdıŋ tarihy, ädebietı, önerı jäne ǧylymnyŋ är salasynda jetken jetıstıgımız jaily mälımetterdı jetkızu» deidı osy ızgılıktı ıstı ūiymdastyruşylar.
Bügınde «Qazaq ädebietınıŋ ortalyǧy» Armeniia, Vengriia, Germaniia, İran, Qyrǧyzstan, Malaiziia, Resei jäne Oŋtüstık Koreia sekıldı memleketterde aşylyp, şeteldık oqyrmandarǧa Otanymyzdy jaqynyraq bıluge mümkındık tudy.
Taiauda ǧana jaŋa ortalyq Türkiianyŋ astanasy – Ankara qalasynda aşyldy. Oǧan Qazaqstannyŋ Türkiiadaǧy elşılıgı qoldau körsettı. Ortalyqtyŋ aşyluyna Türık Ūlttyq kıtaphanasynyŋ direktory Zülfi Toman, Almatydaǧy Ūlttyq kıtaphananyŋ direktory Janat Seidumanov jäne elordadaǧy Ūlttyq akademiialyq kıtaphanasynyŋ Sirek kıtaptar men qoljazbalar qyzmetınıŋ jetekşısı Äliia Qojabekova sekıldı azamattar qatysyp, tūsauy kesılgen ortalyqtyŋ ekı el arasyndaǧy mädeni, ruhani damudy joǧarǧy deŋgeige köteretını jaiynda salmaqty söz qozǧaldy.
Aldaǧy taŋda osyndai ortalyqtardy taǧy basqa şet elderde aşu jobalanyp otyrǧan körınedı.
Azamat ESENJOL
