Taiauda elordada «Qiyrdaǧy qandastar» atty derektı filmnıŋ tanystyrylymy boldy.
Būl aituly joba Elbasynyŋ «Bolaşaqqa baǧdar: ruhani jaŋǧyru» maqalasy aiasynda qolǧa alynǧan. Bügınge deiın osy maqsatta bıraz ıs atqaryldy. Jobany qolǧa alǧan top 30 myŋ şaqyrym jol jürıp, Reseidıŋ Astrahan, Moŋǧoliianyŋ Ūlan-Batyr qalasy, Özbekstandaǧy Kenimeh audany jäne Täjıkstannyŋ Hudjand şahary sekıldı eldı mekenderde bolyp, tarihi oryndardy körıp, sol jerde ǧūmyr keşıp jatqan qazaqtardyŋ ömırı men tūrmysyn tüsırgen.
Osy jolǧy filmnıŋ körsetılımı Moŋǧoliia qazaqtaryna arnaldy. Dälırek aitqanda, Ūlan-Batyr qalasy men oǧan jaqyn ornalasqan Nalai han auylyndaǧy aǧaiyndardyŋ tırşılıgı baiandalǧan. Bügınde Nalai han auylynda 800-den astam qazaq otbasy tūrady. Olardyŋ bärı de ūltymyzdyŋ baiyrǧy dästürın sol qalpynda saqtaǧan. Tıldıŋ de, dıldıŋ de, dınnıŋ de qaimaǧy būzylmaǧan. Būl jerde kömır şyǧaratyn şahta bar. Ol ötken ǧasyrdyŋ otyzynşy jyldary qazaqtardyŋ küşımen aşylǧan. Sodan berı kenışte jemıstı eŋbek etken on qazaq azamaty Eŋbek Erı ataǧyn alǧan.
Sondai-aq, derektı tuyndydan Ūlan-Batyr qalasynda ǧylym men önerdıŋ biıgıne şyǧyp, jalpaq jūrtqa ūltymyzdyŋ abyroiyn asyrǧan tūlǧalardyŋ ömır joldary, älemnıŋ maŋdaialdy oqu oryndarynda bılım alyp, ǧylymnyŋ damuyna qomaqty üles qosqan jas ǧalymdary turaly jäne öz biznesımen şaruasyn döŋgeletıp otyrǧan azamattar jaiynda keŋırek maǧlūmat aluǧa bolady. Aldaǧy taŋda qalǧan seriialar ret-retımen jūrtşylyq nazaryna ūsynylmaq.
Filmnıŋ tanystyrylymyna QR Parlament deputattary men ziialy qauym ökılderı qatysyp, körermenge jol tartqan tuyndy turaly saliqaly söz qozǧap, rizaşylyqtaryn bıldırdı.
Azamat ESENJOL
