Elordada jeksenbı künı qoǧamdyq kölıkter jürmeidı. Karantin talaptaryna sai avtobustarǧa aptasyna bır kün keşendı zalalsyzdandyru jürgızıledı.
Qalada jolauşy tasymaldaityn 790-nan astam avtobustyŋ ışı-syrty jeksenbı künderı tūtastai tazalanyp, zalalsyzdandyrylady. Jolauşy tasymaldauşy käsıporyndar özderıne qarasty kölık juu beketterıne sanitar mamandardy şaqyryp, būl şaralardy solardyŋ qatysuymen atqarady.
Astanada qoǧamdyq kölıktı jürgızgenıne 6 jyldan asqan, 35 jyldyq eŋbek ötılı bar, joǧary sanattaǧy jürgızuşı Ädılhan Baitemiev kündelıktı avtobus jelısıne şyǧar aldynda kölıgı mūqiiat tehnikalyq tekserısten, özı de tiıstı medisinalyq synaqtan ötetının aitty.
– Talap tıpten küşeigen. Onyŋ bärıne tüsınıstıkpen qaraimyz jäne jolauşylardy da osyǧan tüsınıstıkpen qarauǧa şaqyramyz. Jürgızuşıler reiske şyqqanda bettūmşany tastamai ūdaiy taǧyp jüredı. Ony jolauşylardan da qataŋ talap etuge mındettelgen. Qoldaryna qolǧap kiıp, dezinfeksiia jasaidy. Avtobustarda antiseptik bar, – deidı qoǧamdyq kölık jürgızuşısı.
Indetke bailanysty qoǧamdyq kölıktegı qauıpsızdık qazır basty nazarǧa alynǧan. Taŋǧy 06.00-den tüngı 23.00-ge deiın jūmys ısteitın avtobus jürgızuşılerı kölıgın tūraqqa qaldyrmas būryn, ony mūqiiat dezinfeksiiadan ötuın qadaǧalaidy.
– Dezinfeksiia jürgızgen kezde, avtobustyŋ ışı tūtas zalalsyzdandyrylady. Sondai-aq kölıktı juǧan soŋ taǧy bır märte tazartylady. Ädette mūndai dezinfeksiialau kezınde hlor erıtındısı qoldanylady. Esterıŋızge salsaq, şahardyŋ bas sanitar därıgerınıŋ qaulysy boiynşa är jeksenbıde qoǧamdyq kölık qatynasyna tyiym salynǧan. Esesıne būl künı zalalsyzdandyru jūmystary qyzu jürgızıledı, – dedı epidemiolog-därıger Gauhar Aǧajaeva.
STS kompaniiasynyŋ qoǧammen bailanys boiynşa qyzmet jetekşısı Oksana Loskutovanyŋ aituynşa, qalanyŋ qoǧamdyq kölıkterınde 600-dei jürgızuşı jetıspeidı. Sondyqtan jolauşy tasymaldau käsıporyndarynda densaulyǧy myqty, täjıribelı mamandarǧa degen sūranys joǧary.
Indetke bailanysty kölık qyzmetkerlerıne degen şarttar küşeitılgen, ol talaptarǧa sai bolu oŋai emes. Degenmen qazırgı künı jürgızuşılerdı jūmysqa qabyldau üzılıssız jürgızılıp jatyr.
