Ūlttyq mereke aiasynda üi kezegınde tūrǧan astanalyqtar qonys toiyn toilady. Päter kıltterın Astana qalasynyŋ äkımı Altai Kölgınov tabys ettı. Jaŋa qonystanuşylar arasynda erekşe qajettılıkterı bar balalardy tärbielep otyrǧan otbasylar, tolyq emes otbasylar, mügedekter, jetım balalar, zeinetkerler, köpbalaly otbasylar, biudjettık ūiymdardyŋ qyzmetkerlerı boldy.
Elorda tūrǧyndary päterlerın «Nūrly jer» baǧdarlamasy («Şaŋyraq» memlekettık baǧdarlamasy) boiynşa aldy. Tūrǧyn üi baǧdarlamasyn Astana qalasynyŋ äkımdıgı «Otbasy» bankımen bırlesıp ıske asyrdy.
Astana qalasy äkımı Altai Kölgınov pen «Otbasy» bankınıŋ basqarma töraǧasy Läzzat İbragimova barşa qazaqstandyqtardy Respublika künı merekesımen, al jaŋa baspana ielerın qonys toiymen qūttyqtady.
– Respublika künımen jäne köpten kütken qonys toiymen qūttyqtaimyn! Üilerıŋız qūrylys qarqyndy jürıp jatqan jaŋa audanda (Jaǧalau şaǧyn audany, E-20 köşesı) ornalasqan. Mūnda bız jaqynda 4 myŋ oquşyǧa arnalǧan 2 auysymdy mektep aştyq. Köktemde bız audandy abattandyrudy jalǧastyramyz, äleumettık nysandar salamyz.
Memleket tūrǧyn üi mäselesıne erekşe nazar audarady. Jyl saiyn qoljetımdı jeŋıldıktı tūrǧyn üi salamyz. Mysaly, 2018 jyly 1800 äleumettık päter, 2019 jyly osyndai 2900 päter salynsa, soŋǧy ekı jylda 17 myŋǧa juyq äleumettık päter qoldanysqa berıldı. Sonymen qatar, tūrǧyn üi baǧdarlamalaryna qatysuşylar sanaty keŋeidı, tūrǧyn üi sertifikatynyŋ somasy 1 millionnan 1,5 mln teŋgege deiın ūlǧaidy, – dep atap öttı elorda äkımı Altai Kölgınov.
Jyl basynan berı Astanada barlyǧy 19335 osyndai nesie berıldı. Kün saiyn elordanyŋ 80-ge juyq tūrǧyny öz päterın nemese üiın «Otbasy» bankı arqyly satyp alu üşın nesie alady. Sol siiaqty kün saiyn 100-130 adam jyljymaityn mülıktı odan ärı satyp alu üşın jaŋa depozitter aşady.
– Jaŋa qonystanuşylarymyzdyŋ bügın jaŋa ömırı bastaldy, jaŋa päterlerde olar endı jaily ömırde ūrpaq tärbielep, aldaǧy ömırlerıne jospar qūryp, qonaq kütetın bolady. Baspana kıltın tabystau ūlttyq merekege säikes kelgenı merekenıŋ maŋyzyn arttyra tüsedı. Memleket öz azamattarynyŋ baspana mäselesın şeşuge erekşe köŋıl böletını maŋyzdy. Tek «Şaŋyraq» baǧdarlamasy aiasynda ekı jyl ışınde bız 16722 qazaqstandyqqa jeke tūrǧyn üi satyp aluǧa kömektestık, onyŋ ışınde Astanada 4 363 adam qonystoiyn atap öttı. Jaqyn arada «Otbasy» bankı memlekettık baǧdarlamalar aiasynda azamattarǧa nesie berudı jalǧastyru üşın 49,9 mlrd teŋge kölemınde qarajat tüsuın kütıp otyr, – dedı «Otbasy» bankınıŋ basqarma töraǧasy Läzzat İbragimova.
Jyl basynan berı «Otbasy» bankı 67390 qazaqstandyqqa qonys toiyn atap ötuge kömektestı.
