Memleket basşysy 2022 jyldy elımızde Balalar jyly dep jariialaǧany mälım. Osyǧan orai, biyl elordada köptegen ıs-şara ötkızıldı. Astana qalasy äkımdıgınıŋ baspasöz ortalyǧynda «Astanada Balalar jyly aiasynda ötıp jatqan ıs-şaralar jönınde» taqyrybynda onlain-brifing öttı. Spikerı – Astana qalasy Bılım basqarmasy basşysynyŋ orynbasary Marjan Kairbaeva.
Balalar qauıpsızdıgı – basty nazarda
«Bılım aluşylardyŋ qūqyqtyq sauattylyǧyn arttyru üşın qanatqaqty rejimde 57 mektepte (59,3%) qūqyq būzuşylyqtyŋ aldyn alu jönındegı menedjerdıŋ ştat bırlıkterı engızıldı» dedı M.Kairbaeva öz sözınde.
Qūqyq būzuşylyqtyŋ aldyn alu boiynşa jūmystaǧy tiımdı ädısterdıŋ bırı – «Mektep mediasiiasy qyzmetı». Qazırgı uaqytta mektep mediasiiasy qyzmetı 15 mektepte jūmys ısteidı. Osy maqsatta bırqatar oqytu seminary ötkızılıp, bılım beru ūiymdarynda qyzmettı engızu boiynşa ädıstemelık ūsynymdar berıldı. Bügıngı taŋda 40-tan astam ötınış qaralyp, nätijesınde taraptar özara bıtımge keldı.
Bılım basqarmasy janynan ömırlık qiyn jaǧdaiǧa tap bolǧan otbasylarmen jūmys jürgızu maqsatynda «Psihologiialyq süiemeldeu qyzmetı» jobasy bastaldy. Kömekke mūqtaj kez kelgen adam psihologiialyq, qūqyqtyq jäne äleumettık kömekke jügıne alady (aqysyz). 9 aida äleumettık qyzmetkerler 100-den astam adamǧa baǧyt-baǧdar berıp, 316 janǧa zaŋ tūrǧysynan keŋes aityp, 307 adamǧa jeke jäne toptyq psihologiialyq kömek körsettı.
Sonymen qatar bılım beru ūiymdarynda qolma-qol aqşasyz tölem jürgızu jüiesı engızıldı. Qazırgı uaqytta oquşylar men olardyŋ ata-analary arasynda qolma-qol aqşasyz esep aiyrysudyŋ tiımdılıgı men qauıpsızdıgı turaly tüsındıru jūmystary jürgızılude. Būl baǧyttaǧy jūmys jalǧasuda jäne Bılım basqarmasynyŋ erekşe baqylauynda.
Mektepte, üide jäne köşede qiyndyqtarǧa tap bolǧan oquşylar men olardyŋ ata-analaryna kömek körsetu maqsatynda QR Oqu-aǧartu ministrlıgınıŋ Balalardyŋ qūqyqtaryn qorǧau komitetı «Bala Qorgau» jobasyn ıske qosty. Osy joba şeŋberınde barlyq bılım beru ūiymdarynda pedagogtar, oquşylar jäne olardyŋ ata-analary arasynda QR-kodtar ornalastyrylǧan aqparattyq taqtaişalar boiynşa tüsındıru jūmystary jalǧasuda. Balalardyŋ qūqyqtaryn būzu turaly ärbır jaǧdai tolyq anyqtalǧanǧa deiın, sondai-aq şeşılgenge deiın airyqşa nazarda bolady.
«Jaily mektep» ūlttyq jobasy qolǧa alyndy
«Jaily mektep» jobasy aiasynda 2023-2026 jyldar aralyǧynda ärqaisysy 2000 oryndyq 20 mektep salu josparlanuda. Bügıngı taŋda mektep qūrylysyna arnalǧan jer uchaskelerı anyqtaldy, sondai-aq jobalardy ıske asyru jospary pysyqtaluda.
Aǧymdaǧy jyly 23580 oryndyq 11 mekteptıŋ qūrylysy jürgızılude (2 mektep aǧymdaǧy jyldyŋ qyrküiek aiynda paidalanuǧa berıldı). Onyŋ ışınde 7 mektep investisiia jäne memlekettık-jekeşelık ärıptestık esebınen salynady.
Biyl demeuşılık kömekpen «Jasyl mektep» jobasy ıske qosyldy. 1 şıldede №87 mektepte alǧaşqy jylyjai aşyldy, sondai-aq osy jyldyŋ soŋyna deiın 18 mektepte jäne kolledjde taǧy 19 jylyjai aşu josparlanǧan.
Qosymşa bılım beru
Balalardy qosymşa bılımmen qamtudy jäne qadamdyq qoljetımdılıktı arttyru maqsatynda 2022 jyly 10000-nan astam balany qamtityn 10 nysan aşyldy. Sonymen qatar mektepterde «Altyn ūrpaq», «Altyn dombyra» jobalary jüzege asyrylyp jatyr. Biyl barlyq bılım beru ūiymdarynda dombyra jäne şahmat boiynşa üiırmeler engızıldı.
Qazırgı uaqytta Astana qalasy boiynşa 94 orta mektepte 107 üş tıldı pıkırsaiys kluby jūmys ısteidı. 11 memlekettık jäne 8 jekemenşık kolledjde 22 pıkırsaiys kluby jūmys ısteidı.
Bügıngı taŋda inkliuzivtı bılım beru üşın qalanyŋ 94 mektebınde jaǧdai jasalǧan. Tüzetu, psihologiialyq-medisinalyq-pedagogikalyq kabinetter sany artyp keledı. Jyl basynan berı 1 inkliuziiany qoldau kabinetı, 1 PPTK, 1 PMPK aşyldy.
Tehnikalyq jäne käsıptık bılım beru ūiymdaryndaǧy jaǧdaiǧa keletın bolsaq, biyl 16 kolledj (5-euı – memlekettık, 11-ı – jekemenşık) erekşe qajettılıkterı bar 97 balany qabyldady. Degenmen ötken jyly erekşe qajettılıkterı bar balalar tek bır TjKB oqu ornynda oqysa, qazırgı uaqytta bala sany 197-nı qūrady.
