Qaltasyna qos memlekettıŋ tölqūjatyn salyp alyp, sairandap jüretınderge zaŋ jüzınde
tyiym salynady. Keşe Mäjılıs deputattary Täjıkstanmen köşı-qon salasyndaǧy yntymaqtastyq turaly ükımetaralyq kelısımdı ratifikasiialady.
Osy kelısım qos azamattyǧy bar adamdardy tez tabuǧa kömektesedı. Aitpaqşy, Parlamentte kelısımdı tanystyrǧan Işkı ıster ministr Qalmūhanbet Qasymov mūndai zaŋdyq qūjattar Resei, Äzerbaijan, Türkımenstan, Qyrǧyzstan, Armeniia jäne Gruziiamen da jasalatynyn mälımdedı.
Ministr mynadai mälımettı keltırdı: bügınge deiın 15 200 Täjıkstan azamaty qos eldıŋ tölqūjatymen sol jaqta tūryp, Qazaqstanǧa kelıp, zeinetaqy alyp jürıptı. Öitkenı Täjıkstan konstitusiiasy olarǧa qos azamattyq aluǧa rūqsat beredı. 15200-dıŋ 555-ı jauapkerşılıkke tartylyp, 102-sı elden quylǧan, qalǧany aiyppūl töleptı. Būl – bızdıŋ şekara jäne äleumettık qyzmetterımız anyqtaǧan derekter. «Kelısımsız būl mäsele şeşılmeidı. Öitkenı mälımet sūrasaq, jeke adamǧa qatysty aqparatty qūpiia dep bermeidı. Al bügıngı qūjat arqyly öz azamatymyzdyŋ Täjıkstanǧa baryp, azamattyq alǧanyn bıle alamyz. Täjık parlamentı būl kelısımdı 2018 jyly şıldede maqūldady» dep tüsındırdı ministr.
Resmi statistika boiynşa,2018 jyldyŋ 11 aiynda Qazaqstanǧa 493 myŋ täjık azamaty kelgen. Sonyŋ ışınde tek 56 myŋy ǧana tırkelıptı. Qalǧandarynyŋ qaida jürgenın eşkım bılmeidı. Bır anyǧy, sol 56 myŋnyŋ 48-ı byltyr, 59-y biyl ūrlyq jasap ūstalǧan. Būdan bylai, Qazaqstanǧa kelıp, 30 kün ışınde resmi tırkelmegen täjıkter tiıstı jauapkerşılıkke tartylady.
Qos azamattyqqa köptegen elder qataŋ tyiym salǧan. Mysaly, Äzerbaijan parlamentı 2014 jyly qos azamattyq üşın qylmystyq jaza engızdı. Qytai zaŋnamasy sol eldıŋ azamattyǧynan şyqpai, basqa bır eldıŋ azamattyǧyn aluǧa tyiym salady. Būǧan Syrtqy ıster ministrlıgınıŋ qos azamattyǧy bar Qytai qazaqtaryn bosatuǧa köp küş jūmsaǧany dälel. AQŞ-tyŋ konstitusiiasynda: «Men AQŞ azamattyǧyn qabyldai otyryp, osy künge deiın azamat bolǧan kez kelgen memleketke adal boludan bas tartamyn!» degen sözder jazylǧan. Bızdıŋ Ata zaŋymyzda qos eldıŋ azamaty bolu degen tüsınık joq. Qos azamattyqqa zaŋmen tyiym salynǧan.
