Nūr-Sūltan qalasy mäslihatynyŋ otyrysynda mäslihat hatşysy Erlan Kanalimovtyŋ töraǧalyǧymen biudjettık baǧdarlamalar äkımşılerınıŋ biudjettık-investisiialyq jobalaryn qalanyŋ kommunaldyq menşıgıne qabyldau mäselesı qaraldy. Negızgı baiandamany qalalyq Aktivter jäne memlekettık satyp alu basqarmasynyŋ basşysy Ersın Ötebaev jasady.
Onyŋ aituynşa, biyl kommunaldyq menşıkke jalpy 84 jobany qabyldau josparlanǧan. Sonyŋ ışınde Kölık jäne jol-kölık infraqūrylymyn damytu basqarmasyna 28 joba tiesılı. Otyn-energetikalyq keşenı jäne kommunaldyq şaruaşylyq basqarmasynyŋ enşısınde 38 joba, Qorşaǧan ortany qorǧau jäne tabiǧatty paidalanu basqarmasynda 2 joba, Qūrylys basqarmasynda 16 joba bar. Bügıngı künge 23 joba nemese josparlanǧan nysandardyŋ 22 paiyzy kommunaldyq menşıkke qabyldandy, al qalǧan 61 nysan osy jyldyŋ soŋyna deiın qabyldanuy tiıs. Jalpy 2020-2022 jyldar aralyǧynda bırqatar iesız injenerlık jelıler men nysandar kommunaldyq menşıkke berıldı. Oǧan jūmsalǧan qarjynyŋ jalpy somasy 4,8 mlrd teŋgenı qūrady.
Odan keiın tiıstı basqarmalardyŋ basşylary kün tärtıbıne şyǧarylǧan mäsele boiynşa baiandama jasady. Atap aitqanda, Qūrylys basqarmasy basşysynyŋ orynbasary Jasūlan Qojahmetov, Kölık jäne jol-kölık infraqūrylymyn damytu basqarmasynyŋ basşysy Jansūltan Saparbaev, Qorşaǧan ortany qorǧau jäne tabiǧatty paidalanu basqarmasynyŋ basşysy Äliia Qojabaeva, Otyn-energetikalyq keşenı jäne kommunaldyq şaruaşylyq basqarmasy basşysynyŋ orynbasary Erlan Sydyqov osy basqarmaǧa jüktelgen jūmystar barysymen tanystyrdy.
Biudjettık-investisiialyq jobalardy qalanyŋ kommunaldyq menşıgıne qabyldau jūmystarynda tüitkılder joq emes. Mäslihat deputattary pıkırlerı men ūsynystaryn aityp, saualdaryn qoidy. Hatşy Erlan Kanalimov jyldar boiynşa kommunaldyq menşıkke qabyldanbaǧan jobalarǧa toqtalyp, qūrylysy aiaqtalmaǧan nysandar jaiyn qozǧady.
– 2013 jylǧy nysandardyŋ älı tapsyrylmaǧanyn qalai tüsınuge bolady? Mäselen, «Köktem» qosalqy stansiiasynyŋ qūrylysy 9 jyldan berı aiaqtalmai keledı. Osyǧan bailanysty Otyn-energetikalyq keşenı jäne kommunaldyq şaruaşylyq basqarmasy qandai şaralardy qoldanyp jatyr? Basqarma stansiia qūrylysyn sozyp jıbergen kompaniiany sotqa berdı me, būl kompaniia josyqsyz dep tanyldy ma, osy mäselenı talqylau jäne şeşu üşın komissiia qūru qajet. Zaŋnama şeŋberınde mäselelerdı retteu mümkındıgı bar. Biyl biudjettık-investisiialyq nysandardyŋ 25 paiyzy ǧana kommunaldyq menşıkke ötken. Qalǧandary tapsyrylu üstınde nemese älı salynyp jatyr. Qabyldaudy jedeldetu üşın türlı biurokratiialyq kıdırısterdı joiu kerek. Keibır memlekettık organdardyŋ zaŋgerlerınıŋ josyqsyz merdıgerlerge talap-aryzdardy beru jūmysy tömen deŋgeide. Basqarmalar deputattarǧa biylǧy jäne ötken jyldardaǧy nysandardy beru boiynşa kezeŋ-kezeŋımen jūmys josparyn ūsynuy qajet. Būl nysandardy biudjet esebınen ūstauǧa bolmaidy. Eŋ aldymen, būl köşeler, injenerlık jelıler men elektr jüielerı, qosalqy stansiialar jäne basqa da nysandar, – degen Erlan Kanalimov ūzaqqa sozylǧan jobalar boiynşa merzımderı körsetılgen Jol kartasyn daiyndaudy ūsyndy
