Qosymşa qarjy bölındı

Keşe Astana qalalyq mäslihatynyŋ kezekten tys sessiiasynda elordanyŋ 2018-2020 jyldarǧa arnalǧan biudjetı naqtylandy. Sondai-aq, mäslihat deputattary 2016-2020 jyldardy qamtyǧan qalany damytu josparyna engızılgen özgerısterdı maqūldady. Kün tärtıbınde basqa da bırqatar mäsele qaraldy. Sessiiaǧa Astana äkımınıŋ orynbasary Ermek Amanşaev qatysty.

Negızgı baiandamany jasaǧan qalalyq Strategiialyq jäne biud­jettık josparlau bas­qar­masynyŋ basşysy Rasul Oraz­ǧūlov basqarmalarǧa bö­lıngen qosymşa qarjy kölemın, būl qar­jy baǧyttalatyn jūmys­tardy atap öttı.
Onyŋ aituynşa, qalanyŋ kırıs bölıgı 2 mlrd 659 mln teŋgege ūlǧaidy. Būǧan qosa, biudjettı to­lyq ärı nätijelı igeru maq­satynda belgılı bır biudjettık baǧdarlamalarǧa bölıngen qarjy qaita qaralyp, 10,1 mlrd teŋge qala damuyndaǧy maŋyzdy ba­ǧyttarǧa jūmsalady.
Bılım basqarmasyna 1 mlrd 370,9 mln teŋge kölemınde qosymşa qarjy bölınedı. Būl qarjynyŋ eŋ qomaqty bölıgı mūǧalımderdıŋ jalaqysyn ösıruge baǧyttalady. Sondai-aq, 1-4-synyp oquşy­laryn tamaqtandyruǧa qosymşa qar­jy qarastyrylǧan. Bölınıp otyrǧan qarjy balalar üiı ǧi­maratyn jöndeuge, tehnika alu­ǧa, mektepaldy daiarlyqqa jūm­salmaq.
Qoǧamdyq densaulyq saqtau basqarmasyna balalardyŋ jūq­paly auruhanasynyŋ avtonomdy jylytu jüiesıne, mümkındıgı şekteulı balalarǧa arnalǧan kölıkterdı aluǧa 97,6 mln teŋge bölınıp otyr.
Qalada mügedekter sany 220 adamǧa köbeidı. Olardy şi­pajailarǧa jıberu, baspanaǧa zäru jandarǧa tūrǧyn üi sertifikatyn tapsyru, kömekke mūq­taj adamdarǧa järdem beru, t.b. osy siiaqty jūmystardy at­qaruǧa Jūmyspen qamtu jäne äleumettık qorǧau basqarmasyna 369,7 mln bölu qarastyryldy.
Özge basqarmalarǧa, audan äkım­­dıkterıne ne üşın qosymşa qar­jy bölıngenın baiandaǧan R.Orazǧūlov elımızdıŋ 2025 jylǧa de­iıngı strategiialyq damu josparyn ıske asyruǧa baǧyttalǧan strategiialyq karta äzırlengenın, so­ǧan säikes 2016-2020 jyldarǧa ar­nalǧan Astanany damytu jos­pa­ryna özgerısterdı engızu qa­jettılıgı tuyndaǧanyn aitty. Jalpy alǧanda, elordany damytu josparyndaǧy 125 indikatordyŋ 34-ıne özgerıs engızılgenın, 4 indikator oŋtailandyru aiasynda joiylǧanyn jetkızdı.
Jaqynda mūǧalımderge, därı­gerlerge, polisiia qyz­met­ker­lerıne baspana alu üşın 1 mln teŋ­ge kölemınde äleumettık kö­mek beru ūiǧaryldy. Qūry­lys jäne tūrǧyn üi saiasaty bas­qarmasynyŋ basşysy Ruslan Ahmetov tiıstı erejenı be­kıtudı sūrady. Sondai-aq, ol M.Jū­mabaev daŋǧylyn A.Bai­tūrsynov köşesınen bas­tap №44 köşege deiın saluǧa jä­ne oŋtüstık-batys ainalma jo­lynyŋ qūrylysyn jürgızuge jalpy 0,0590 ga qūraityn ekı jer te­lımın memleket mūqtajdyǧy üşın satyp aluǧa 134 mln teŋ­ge qarastyrylǧanyn aitty. De­pu­tattar būl şeşımderdı bır­auyzdan maqūldady.
Säulet, qala qūrylysy jäne jer qatynastary basqarmasynyŋ bas­şysy Baqtybai Taitaliev par­kingterdıŋ salyqtyq bazalyq stavkalary turaly baiandady.