Astana qalasy mäslihatynyŋ äleumettık-mädeni damu mäselelerı jönındegı tūraqty komissiiasynyŋ otyrysynda şaharda tuberkulezge qarsy qoldanylyp jatqan şaralar men osy auruǧa qatysty epidemiologiialyq jaǧdai qaraldy.
Otyrysta deputattar saualdaryna tiıstı sala mamandary jauap berdı. Atap aitqanda, qūrt auruyna şaldyqqandar jeŋıldıkterge ie azamattar sanatyna jatady. Olarǧa äleumettık tölemdermen qatar azyq-tülık, qoǧamdyq kölıkte jüru biletterı berıledı. Būl tarapta osy aurudy emdeitın dispanser därıgerlerı ai saiyn berıletın äleumettık tölemder somasyn köbeitudı ūsyndy.
Qoǧamdyq densaulyq saqtau basqarmasynyŋ basşysy Qamaljan Nadyrov Jūmyspen qamtu jäne äleumettık qorǧau basqarmasy basşylyǧymen bırge tuberkulezben auyratyndarǧa qosymşa jeŋıldıkterdı beru mäselesın qarastyratynyn aityp, mysal retınde Qyzylorda öŋırınıŋ ülgısın keltırdı. Onyŋ aituynşa, Syr boiynda būl dertke ūşyraǧandardy ömırde qiyn jaǧdaida qalǧan adamdardyŋ qataryna engızıp, tabystaryna qaramai, äleumettık tölemderdı 15 myŋ teŋgeden 25 myŋ teŋgege deiın köterdı.
Vedomstvo basşysynyŋ sözın quattaǧan tuberkulezge qarsy dispanserdıŋ bas därıgerı Anna Sepke tuberkulezben auyryp bolǧandardy jūmysqa tūrǧyzu ısı bastalǧanyn, qazır äleumettık beiımdeu mäselesı ılgerılep jatqanyn aitty.
«Qazır Jūmyspen qamtu ortalyǧymen bırge osy azamattardy oqytu jäne ärı qarai jūmysqa ornalastyru mäselesın qarap jatyrmyz. Sanatorlyq-kurorttyq emdeu mäselesı qalada şeşılgen. Emdeu aiaqtalǧan soŋ nauqastardy soǧan jıberemız. Tuberkulezben auyrǧandarǧa ǧana emes, tynys alu joldary aurularymen auyratyndarǧa da Burabaidaǧy beiımdeu ortalyǧyna joldama beru mümkındıgıne iemız» dedı ol.
Otyrysta soŋǧy 10 jylda Astanada tuberkulezden qaitys bolu körsetkışı 4,4 paiyzǧa azaiǧany aityldy. Qoǧamdyq densaulyq saqtau basqarmasynyŋ mälımetınşe, qūrt auruyna şaldyqqan är besınşı adam Astanaǧa keiıngı bır jyldyŋ kölemınde köşıp kelgen. Būl dertke duşar bolǧan är ekınşı adamnyŋ tūraqty jūmysy joqtyǧy, olardyŋ 25 paiyzynyŋ tabysy tömen ekenı anyqtalǧan. Mūnyŋ üstıne tuberkulezben auyrǧandardyŋ jartysynyŋ basynda baspana bolmai, jaldamaly päterlerde tūrǧany belgılı bolǧan.
Osy dert Özbekstan, Qyrǧyzstan, Resei, Äzerbaijan, Moŋǧoliia, Ündıstan, Kongo, Litva men Ukrainadan kelgen migranttarda da anyqtalǧan. Olardyŋ köbı jeke käsıpkerler men qūrylysşylar. Aurudy emdeudı jalǧastyru üşın olardy öz elderıne jıberu kerek. Alaida köşı-qon rejımı būzylmaǧan jaǧdaida olardy qaitarudyŋ tärtıbı zaŋdyq tūrǧydan tüzılmegen. Sol sebepten tuberkulezge ūşyraǧan 54 migranttyŋ
23-ı ǧana qaitarylǧan. 12-sı emdeludıŋ tolyq kursyn aiaqtap, Astanada qaldy. Jalpy, osy dertke şaldyqqan bır adamdy emdeuge memleket jylyna 1 mln teŋge böledı.
