Ai-künnıŋ amanynda 14 jasar astanalyq qyz bala qaladaǧy betı aşyq jatqan kärız qūdyǧyna qūlap, ölım qūşty.
Ötken senbı künı tüsten keiın bailanysqa şyqpai, habar-oşarsyz ketken Arujan Maratovanyŋ ölı denesı bır künnen keiın Ö.Jänıbekov pen R.Qoşqarbaev köşelerınıŋ qiylysyndaǧy aşyq kärız qūdyǧynan tabylǧan. Osy oqiǧaǧa bailanysty keşe Astana qalasy äkımdıgınde brifing öttı.
– Qazırgı uaqytta qylmystyq tekseru jūmystary jürgızılude. Onyŋ nätijesı departament tarapynan qosymşa habarlanady. Astana äkımı Baqyt Sūltanov qalanyŋ barlyq qyzmetterıne elordadaǧy 65 myŋ kärız qūdyǧyna kün saiyn arnaiy tekseru jürgızudı tapsyrdy. Odan bölek, qalanyŋ kommunaldyq qyzmetterı osyǧan deiın myŋdaǧan aşyq qūdyqtyŋ betın japqan bolatyn. Qala boiynşa barlyq aşyq qalǧan kärız qūdyqtary jedel jabylady, – dedı Astana qalasy äkımdıgı baspasöz qyzmetınıŋ jetekşısı Elvira Jürgenbaeva.
Onyŋ aituynşa, tek soŋǧy aidyŋ özınde qala tūrǧyndarynan aşyq qalǧan qūdyq mäselesı boiynşa iKomek qalalyq monitoring jäne jedel äreket etu ortalyǧyna 356 şaǧym tüsken. Al soŋǧy bır apta kölemınde elordalyqtar 214 ret şaǧymdanypty. Sonymen qatar qala äkımınıŋ kärız qūdyǧy qaqpaqtarynyŋ ūrlyǧyna qarsy jüielı şaralar qabyldap, qaqpaqtar şeşılmeitındei arnaiy qūlyp ornatudy tapsyrǧan eken.
Qapiiada qyzdarynan aiyrylyp, qaiǧydan qan jūtqan ata-ana men marqūmnyŋ tuǧan-tuystarynyŋ atyna köŋıl aitqan äkımdık qyzmetkerlerı Arujan Maratovanyŋ otbasyna türlı deŋgeide kömek körsetıletının jetkızdı. Sondai-aq endı mūndai jaǧdaidy boldyrmas üşın astanalyqtardy qūdyqtar maŋynan küdıktı adamdy baiqaǧan jaǧdaida, bırden qūzyrly organdarǧa nemese «109» nömırıne habarlasuǧa şaqyrdy.
