[wppa type=»slideonly» album=»43″ size=»auto»][/wppa]
Nazarbaev ortalyǧynda «Qūlpyrǧan köktem» atty elordalyq äiel suretşılerdıŋ körmesı aşyldy. Is-şara 8 nauryz – halyqaralyq äielder künıne arnalyp otyr.
Körmenıŋ aşyluynda «Nazarbaev ortalyǧy» MM direktorynyŋ ǧylymi-gumanitarlyq jūmys jönındegı orynbasary, suretşı Leila Mahat söz söiledı: «Bügıngı körmenı sız ben bız jai ǧana tamaşalap qoimaimyz. Bırınşıden, barlyq tuyndylardyŋ avtorlary osynda. Ekınşıden, Suretşıler odaǧynan ärıptesterı men dostary da kelıp qūrbylaryna qoldau tanytuda. Üşınşıden, ıs-şaraǧa jastar köp jinalǧan. Jastardyŋ önerge qyzyǧuşylyq tanytuy, ülgı aluy maŋyzdy dep oilaimyn», – degen ol jinalǧandardy merekemen qūttyqtap, jyly lebızın bıldırdı.
Körmege Halyq suretşılerı Gülfairus İsmailovanyŋ «Aktrisanyŋ portretı», Aişa Ǧalymbaevanyŋ «Bauyrsaqtar natiurmorty» tärızdı tanymal tuyndylary qoiylǧan. Sondai-aq, körermen qauym A.Alpysbaeva, R.Ahmetjanova, L.Dirksen, A.Esımova, L.Janpeiısova, B.Zäuırbekova, S.Qarjaubaeva, N.Ligai, N.Qiqymova, V.Slabospiskaia, A.Kölke, T.Majitova, M.Myrzabekova, G.Tätıbaeva, G.Telǧozieva, N.Tereşenko, A.Süleeva syndy taǧy 17 suretşınıŋ kenepke jan bıtırgen, tereŋ qiialynan tuǧan ǧajaiyp älemımen tanysa alady. Suretterde näzıktıkpen qatar, kürdelı tıptı, kei sätterı tüsınıktı bola bermeitın jüregı syrǧa toly emosiialar ūşyrasady.
Äiel zatynyŋ sūlulyǧy suretşı arularymyzdyŋ qylqalamynan şyqqan kartinalarda aiqyn körıngen.
Erkejan SÄTIMBEK
