Ūlttyq akademiialyq kıtaphanada Qazaqstan Respublikasynyŋ Memlekettık rämızderıne 25 jyl toluyna orai «Täuelsızdık rämızderı» atty kıtap-qūjattyq körme öttı.
Memlekettık rämızder – elımızdıŋ egemendıgı men täuelsızdıgın paş etetın önegelı ötkenımız, kemel keleşegımız, bügın men bolaşaqty jalǧaityn sabaqtastyqtyŋ jarqyn beinesı.
Kıtap körmesınıŋ saltanatty aşyluynda Qazaqstan Respublikasy Memlekettık eltaŋbasynyŋ avtory Jandarbek Mälıbekov pen professor Kamal Būrhanov söz söilep, körmege keluşıler men kıtaphana oqyrmandaryn aituly merekemen qūttyqtady.
Jastardyŋ memlekettık rämızderımızdı jıtı tanyp, olardyŋ elge degen otanşyldyq sezımın oiatu maqsatynda ūiymdastyrylǧan körmege taqyrypqa sai 40-tan astam kıtaptar men qūndy qūjattar qoiyldy.
Körme «Qasiettı kök bairaǧy elımnıŋ», «Eltaŋba – eldıgımnıŋ aişyǧy» jäne «Änūran» atty üş bölımnen tūrdy. Olardyŋ arasynda Äbduälı Qaidardyŋ «Qazaq qandai halyq?», Bürkıt Aiaǧannyŋ «Täuelsızdık nyşandary», «Gosudarstvennye simvoly Respubliki Kazahstan. Simvoly Nezavisimosti» syndy kıtaptardan bastaǧan täuelsız memleketımızdıŋ, onyŋ tarihi damu ideologiiasynyŋ negızgı baǧyttaryn körsetetın kıtaptar da bar.
Körmenıŋ aşyluynda Qazaqstan täuelsızdıgındegı memlekettık nyşandardyŋ jalpy tarihy, avtorlardyŋ ömırbaiandary, memlekettık rämızderdıŋ damuy turaly tüsırılgen derektı film körsetıldı. El täuelsızdıgı tarihyndaǧy qūndylyqtar men jetıstıkterdı nasihattap, qazaqstandyq patriotizm men ūlttyq bırlıktı nyǧaitu maqsatynda ūiymdastyrylǧan körme jaŋa materialdarmen tolyqtyryla otyryp, 10 tamyzǧa deiın jalǧasatyn bolady.
