Qūrmet törınde – otan qorǧauşylar

Elorda törınde Otan qorǧauşylar jäne Jeŋıs künıne arnalǧan köptegen şaralar öttı. Mekemeler men käsıporyndarda ardagerler men äskerilerge qūrmet körsetıldı.

Osyndai ızgı şaranyŋ bırın «Bäiterek» monumentı ūjymy ūiymdastyrdy. Taǧylymdy kezdesuge şaqyrylǧan bır top äskeriler men Auǧan soǧysyna qatysqan jauynger-internasionalister monument ışın aralap kördı. Jastar men ūjym müşelerıne elımızdıŋ Qaruly küşterı, Ūly Otan so­ǧysynda körsetken jerles­te­rımızdıŋ erlıgı jaiynda ta­ǧylymdy äŋgıme örbıttı.
Astana qalasynyŋ Auǧan so­ǧysy mügedekterı men ardagerlerı odaǧynyŋ töraǧasy Serık Kenjebekov elordanyŋ sim­volyna ainalǧan «Bäiterek» monumentı ūjymyna alǧysyn bıldırdı. Al merekelık dastarqan basyna jaiǧasqan qonaqtardy mekeme basşysy Mūrat Sapar­ǧaliev qūttyqtap, estelık syilyqtar tabys ettı.
Osyndai igı şaranyŋ taǧy bırın Esıl audandyq Ardagerler keŋesı ötkızdı. «Rixos» qonaq üiınde ötken şarada audan aumaǧynda tūratyn soǧys jäne eŋbek ardagerlerı bır köŋıl köterıp qaitty. Merekelık dastarqan basynda maidan änderı şyrqalyp, estelıkter aityldy. Audandyq keŋes töraiymy Rysty Atyǧaeva ardagerlerdı elımızdıŋ eŋ qas­terlı merekelerı – Otan qorǧau­şylar jäne Jeŋıs künımen qūt­tyqtap, zor densaulyq, baiandy ǧūmyr tıledı. Al meimandar atynan Amangeldı Syzdyqov, Quanyş Alpysbekov, Salman Geroev jäne Meiram Baiǧazin syndy ardagerler tılekterın aityp, ūiymdastyruşylarǧa rizaşylyqtaryn bıldırdı.