Altai Kölginov qūrylysşylardy kəsibi merekelerimen qūttyqtai otyryp, büginde bas qalamyzda būl salaǧa degen qūrmet te, sūranys ta artyp kele jatqanyn erekşe atap ötti.
– Elordamyzdyŋ bas səuletşisi – Elbasy Nūrsūltan Nazarbaevtyŋ astanany Aqmolaǧa köşiru bastamasy qūrylys salasyna airyqşa serpin əkeldi. Büginge deiin astanamyzdyŋ aumaǧy üş ese artty, al tūrǧyndary tört ese köbeidi. Qazir bas qalamyzda 65 myŋ qūrylysşy eŋbek etip jür. Olar jyl saiyn 2 mln şarşy metrden astam tūrǧyn üidi ötkizedi. Byltyrdyŋ özinde elimiz boiynşa qūrylys auqymynyŋ 1/6 böligi qoldanysqa berildi. Tūrǧyndardy baspanamen qamtu eki esege artty. Degenmen qoljetimdi baspana boiynşa əli de bolsyn şeşilmei tūrǧan məseleler bar. Memleket basşysy Qasym-Jomart Toqaev dəl osy qoljetimdi baspana qūrylysyn arttyrudy tapsyrdy, – dedi qala basşysy qūttyqtau sözinde.
Saltanatty jiynda quanyşqa bölengen qūrylysşynyŋ bırı Salamat Ahmetov öz oiymen bölıstı. «Qūrylys salasyna student kezimnen keldim. Büginge deiin qaladaǧy biraz qūrylys nysandarynyŋ boi köteruine septigimiz tidi. Olardyŋ arasynda köpqabatty tūrǧyn üiler ǧana emes, əleumettik maŋyzy bar mektep, balabaqşa saldyq. Nūr-Sūltan arqa törindegi aiazy syqyrlaǧan qalalardyŋ biri ǧoi. Aiazdy künge qaramai, qūrylys jūmystaryn der kezinde bitiru üşin küni-tüni jūmys istep jürmiz» deidı öz mamandyǧyna marqaiǧan qūrylysşy.
Al qūrylys salasynda 40 jyldan asa kran jürgızuşı bolyp kele jatqan Jəmila Əlieva qūrylys jūmysyna mektep bitire salyp birden kelgenin aitady.
«Bala künimde üiimniŋ qasynda üi salynyp, onyŋ kranyn qyz bala jürgizetinın köretınmın. Sodan berı qyzyǧuşylyǧym oianǧan edı. Nūr-Sūltandaǧy biraz üidi saluǧa qatystym. Meniŋ jūmysyma qyzyqqan qyzym da qazir kran jürgizip jür» dep qūrylysşylar äuletınen ekenın de bıldırdı.
