«Jaman jūmys bolmaidy, jaman jūmysşy bolady» deitın mekteptegı ūstazdarymyz. Sol sözdıŋ dūrystyǧyna «Astana taŋdauy-2013» baiqauynyŋ qatysuşysy İslambek Satybaldyūly közımızdı jetkızdı.
Keiıpkerımız Özbekstannyŋ Taşkent oblysynda düniege esıgın aşady. Alaqūdyq auylyndaǧy orta mekteptı bıtırgesın qūrylys koledjıne oquǧa tüsedı. Būl oqu ornynan dänekerleuşı mamandyǧyn meŋgerıp şyǧady. Onymen qosa traktor jürgızu kuälıgın de ielenedı. Eŋbek jolyn traktor jürgızuşısı bolyp bastaǧan İslambek 1997 jyly qūrylys salasyna bet būrdy. Sodan berı, mıne 16 jyl uaqyt odan qol üzbei keledı.
2000 jyly Qazaqstanǧa, Almaty öŋırıne kelısımşart boiynşa jūmysqa keledı. Almaty, Taldyqorǧan qalalarynda, Almaty oblysynyŋ şalǧai audandarynda qūrylys jūmystarymen ainalysady. Myŋdaǧan otbasynyŋ baspanaly boluyna sebepker bolyp, bırneşe mädeniet üilerınıŋ, auruhana, mektep tärızdı halyqqa qajettı qūrylys nysandarynyŋ salynuyna atsalysady. Sonyŋ bırı – sol öŋırde boi kötergen «Halyq bankı» AQ ǧimaraty.
2010 jyly tarihi otanyna otbasymen bırjola köşıp kelıp, azamattyq alady. Soltüstık Qazaqstan oblysynyŋ ortalyǧy Petropavl qalasynda tūraqtaidy. Keiınırek elordaǧa kelıp, osyndaǧy «Raiken» JŞS qūrylys kompaniiasyna jūmysqa ornalasady. Qazır äsem Astanamyzdyŋ körkeiuıne öz ülesın qosyp jürgen qūrylysşylardyŋ bırı.
«Astana taŋdauy-2013» baiqauyna qatysqanyna quanyşty ekenın jasyrmaǧan İslambek öz käsıbı jaily: «Jūmysym özıme ūnaidy, eldıŋ bärı şeneunık bola bermeitını belgılı, halyqqa baspana salyp beretın adam da kerek emes pe?! Bai bol, baǧlan bol, äkım bol, qūrylysşy bol, ısıŋdı adal atqaryp, maŋdai terıŋ sıŋgen aqyŋdy alsaŋ bolǧany» dedı.
Bügınde tört qyz tärbielep otyrǧan asqar taudai äkenıŋ juyrda besınşı qyzy düniege keldı. Osylaişa köp balaly otbasynyŋ iesı bolyp otyrǧan jaiy bar.
Bügıngı künı İlinka kentınde tört qabatty mektep ǧimaraty salynuda. İslambek sol qūrylysta jür. Qyrküiek aiyna qarai oqu orny paidalanuǧa berılıp, oquşylardy märe-säre qylmaq.
Dosjan SQAQOV,
EŪU studentı
