Astana polisiia bölımşesı biyl jyl basynan berı 169 qylmystyq ıs qozǧasa, sonyŋ ışınde 107 qylmys esırtkı satumen bailanysty bolǧan. Elorda polisiiasynda 17 jyldan berı osy esırtkı saudasy qylmysymen küres jürgızıp kele jatqan Astana PD esırtkı qylmysyna qarsy ıs-qimyl basqarmasynyŋ bölım bastyǧy Sergei İlinyhtyŋ aituynşa, biyl zaŋsyz ainalymnan 262 kelı 476 gramm esırtkı tärkılense, onyŋ 43 kelı 444 gramy sintetikalyq esırtkı preparattary bolǧan.
Tärtıp saqşylary tarapynan «dästürlı» esırtkı türlerı boiynşa ötkızıletın ıs-şaralar aiasynda sintetikalyq esırtkı men olardyŋ balamalarynyŋ taralu qaupı tuyndaǧan. Elordadaǧy esırtkı satu jäne tūtynu mäselesıne orai jürgızılgen taldau negızınde kannabis toby men apiyn tektes esırtkılerdıŋ tapşylyǧy «Amfetamin», «LSD», «Ekstazi» degen sintetikalyq esırtkı qūraldarynyŋ taraluyna sūranysty tuǧyzǧany anyqtaldy.
– Ötken 9 aida elorda aumaǧynda esırtkınıŋ sintetikalyq türlerımen bailanysty 343 qūqyq būzuşylyq faktısı anyqtaldy. Onyŋ ışınde qylmysqa qatystysy – 61 faktı: iaǧni 26-sy – esırtkı jetkızu jäne 35-ı esırtkı saqtaumen bailanysty bolǧan. Qalǧan 371 faktı qylmystyq terıs qylyqtar boiynşa tırkeldı. On kün saiyn esırtkıge qarsy ıs-qimyl basqarmasy men jergılıktı polisiia qyzmetı basqarmasynyŋ qyzmetkerlerı Astana qalasy psihikalyq densaulyq ortalyǧyndaǧy esırtkı jäne psihikalyq belsendı zattardy tūtynu faktılerı boiynşa medisinalyq quälandyrudan ötken tūlǧalardyŋ tızımın tekserıp, salystyrady. Barlyq anyqtalǧan faktı boiynşa tızımdegıler qalalyq psihikalyq densaulyq ortalyǧyna qaru ūstau jäne saqtau qūqyǧyna lisenziia boluy, avtokölık qūraldaryn basqaru kuälıgınen aiyru mäselelerı boiynşa qarauǧa jıberıledı, sonyŋ nätijesınde azamattardan, sonyŋ ışınde esırtkı tūtynuşylardyŋ atyna tırkelgen qarudy alyp alu boiynşa 4 faktı negızınde materialdar jöneltıldı, – deidı bölım basşysy.
Esırtkı saudasynyŋ profilaktikasy üşın polisiia departamentı qyzmetkerlerı Astana qalalyq äkımdıgımen jäne basqa da müddelı ūiymdar, ÜEŪ-men bırge biyl eseptı kezeŋde 238 ıs-şara ötkızdı. Onyŋ ışınde 24 aksiia, 21 seminar, 65 därıs, 14 döŋgelek üstel, 40 kezdesu, 29 sport jarysy, 3 baiqau jäne 42 basqa da jiyndar ūiymdastyrylǧan.
Sonymen qatar qazırgı taŋda ata-ana balasynyŋ aǧzasynda psihobelsendı zattardyŋ bar-joǧyn 1-2 minutta anyqtaityn şūǧyl testtı kez kelgen därıhanadan satyp ala alady. Esırtkı zattarynyŋ qanşa türın anyqtauǧa arnalǧanyna qarai onyŋ baǧasy – 2-4 myŋ teŋge aralyǧynda. Synamany balanyŋ zärıne salyp, bırneşe minutta ziiandy zattardan taza ma eken, sony bıle alasyz. Atalǧan ülken baǧdarlamany qūqyq qorǧau organdary qarapaiym halyqqa qoljetımdı bolu üşın ıske qosqan. Bır jaǧynan, būl jasöspırımnıŋ jaman jolǧa tüsuınıŋ aldyn aluǧa kömektesse; ekınşı jaǧynan, ata-ana tarapynan baqylau bar ekenın aŋǧartady.
