Qysty şyǧaryp saldy
«Jastar» saraiy alaŋynda slavian halqynyŋ ūlttyq merekesı «Maslenisaǧa» arnalǧan ıs-şara öttı. Oǧan elordadaǧy ūlttyq mädeni ortalyqtar men qoǧamdyq bırlestıkter de öz ülesterın qosty.
«Bırneşe jylda alǧaş ret merekenı keŋ kölemde, aşyq alaŋda atap ötudemız. Būl künı är slavian otbasynda dämdı taǧamdar daiyndalyp, bır-bırınıŋ üiıne qonaqqa barady. Al, düisenbıden bastap auyz bekıtedı. Būl da bolsa elımızdegı ūltaralyq tatulyqtyŋ belgısı dep bılemın», – deidı kazaktardyŋ jeksenbılık mektebınıŋ körkemdık jetekşısı Natalia İvanova. «Maslenisa» – slavian halyqtarynyŋ erteden kele jatqan qysty şyǧaryp salyp, köktemdı qarsy alu merekesı. Ol jetı künge sozylady. Slaviandar osy jetı künnıŋ är künın türlışe toilap ötkızedı. Būl mereke kezınde dämdı qūimaqtar pısırılıp, körşıler bır-bırın qonaqqa şaqyrady. Köŋıldı än aitylyp, bi bilenıp, barlyǧy şat-şadyman bolady. Öitkenı, slaviandar «maslenisany» qalai qarsy alsaŋ, jyl boiy solai jüresıŋ degen ūstanymdy ūstaidy.
Erkejan SÄTIMBEK