Bolat MAJAǦŪLOV, Astana qalasy Mädeniet basqarmasynyŋ bastyǧy:
– Biylǧy Nauryz toiynyŋ erekşelıgı qandai?
– Är jyldyŋ merekesı öz jaŋaşyldyǧymen erekşelenetını bar. Biylǧy basty erekşelık – elımızdıŋ är aimaǧynan kelgen önerpazdar qala tūrǧyndaryna merekelık köŋıl-küi syilamaq. Būl künı Astanada 42 merekelık ıs-şara ötedı. Onyŋ ışıne jer-jerlerdegı būqaralyq sauyqtar, konsertter, körmeler, döŋgelek üstelder, spektaklder taǧy basqalar kıredı. Merekenıŋ negızgı ıs-şarasy 22 nauryz künı «Qazaq elı» monumentınıŋ alaŋynda ötedı. Onda saǧat 10.00-den keşkı 17.00-ge deiın teatrlandyrylǧan qoiylymdar jäne elımızdıŋ är aimaǧynan kelgen şyǧarmaşylyq ūjymdardyŋ merekelık konsertterı ūsynylady. 21 nauryz künı saǧat 18.00-de Beibıtşılık jäne kelısım saraiynda elımızdıŋ är oblystan kelgen öner maitalmandary gala konsert beretın bolady.
– Konserttık baǧdarlamalarǧa toqtalyp ötseŋız…
– Jalpy, biylǧy toidyŋ bazarlyǧy köp. Atap aitsaq, Qyzylorda oblysynan «Didar», «Dudarai» etno-folklorlyq ansamblderı, Pavlodar oblysynan «Tomiris», «Miras» vokaldy toby, «Ädemı» duetı öner körsetedı. Sondai-aq, Almaty oblysynan «Aijan qyz» halyqtyq bi ansamblı, Soltüstık Qazaqstan oblysynan «Art-Duman» toby keledı. Al, Aqmola oblysynan keletın «Kökşetau», «On alty qyz» halyqtyq bi ansamblderı men «Ainaköl» folklorlyq ansamblı, «Sūŋqar» kvartetı körermenderdıŋ qūlaq qūryşyn qandyrmaq. «Aişa bibı», «Laduşki» folklorlyq ansamblderı, «Qoŋyr», «Alaş ūly» toptary Almaty qalasynyŋ atynan öner körsetedı. Sonymen qatar, konsertte QR eŋbek sıŋırgen mädeniet qairatkerlerı – Ǧaziza Jūmekenova, Älmyrza Noǧaibaev, Äbdıreiım Ömırov, Ramazan Stamǧazievter bolady. Odan bölek, sport alaŋdarynda «Qazaqşa küres», «Toǧyz qūmalaq», «Būqa tartudan» saiystar ūiymdastyrylady.
Ortalyq alaŋda būqaralyq sauyqtar, merekelık konsertter, körmeler, merekelık satylymdar ūiymdastyrylady. Keşkı saǧat 19.00-de «Qazaqstan» Ortalyq konsert zalynda Äliia Äbıkenovanyŋ «Än gäkkuı» atty jeke konsertı de körermenderdı täntı etedı dep oilaimyn. Keşkı 18.00-den 22.00-ge deiın ortalyq alaŋda jastarǧa arnalǧan bi keşı ötedı. Oǧan Altynai Jorabaeva, Aqylbek Jemenei, Qairat Nūrtas, Marjan Arapbaeva, «Aldaspan» toby, taǧy basqa öner jūldyzdary qatysady. Şara soŋynda, iaǧni, saǧat 22.00-de merekelık ot şaşu bolady. Būl künı ötetın şaralardyŋ barlyǧy qalanyŋ mädeni ahualynyŋ damuy-na serpın beredı dep aita alamyn. Sondyqtan kelıŋızder, körıŋızder degım keledı.
Erkejan SÄTIMBEK
