Elorda äkımdıgınde 3 nauryz künı Memlekettık qyzmet ısterı ministrlıgı Astana qalasy boiynşa departamentındegı Ädep jönındegı keŋestıŋ bırınşı otyrysy öttı.
Alqaly jiyndy departament basşysy – Ädep jönındegı keŋestıŋ töraǧasy Tılegen Qaskin aşyp, keŋes müşelerımen tanystyryp şyqty. Ädep jönındegı keŋestıŋ jaŋa mındetterı jaily qysqaşa aityp ötıp, 2016 jylǧy jūmys josparyn bekıtudı ūsyndy. Būdan soŋ atalmyş Departamenttıŋ jemqorlyqtyŋ aldyn alu basqarmasynyŋ basşysy Läzzat Rysbekovanyŋ baiandamasy tyŋdaldy.
Biylǧy jyldyŋ 2-15 aqpan aralyǧynda «Jer kadastry ǧylymi-öndırıstık ortalyǧy» RMK Astana qalalyq filialynyŋ qyzmetıne jemqorlyqty tuyndatatyn jaǧdailardy anyqtau maqsatynda syrtqy taldau jūmystaryn jürgızgen bolatynbyz. Onyŋ qorytyndysyn saraptau kezınde sybailas jemqorlyq jaǧdailary köbıne tūrǧyndarǧa qyzmet körsetu salasynda köp oryn alatyny baiqaldy. Osy qyzmetke bailanysty aryz-şaǧymdardy taldau barysynda jemqorlyq faktılerı oryn alǧany da belgılı boldy,– dep basqarma basşysy naqty tekseru nätijesın jariia ettı.
Onyŋ aituynşa, qūzyrly mekeme memlekettık qyzmet körsetu salasynda köptegen zaŋsyzdyqtarǧa jol bergen. Keibır qūjattardyŋ qaralu tärtıbı 15 minuttan aspauy tiıs bolsa, mūnda qūjattar üş kün qaralǧan. Sondai-aq, bırqatar memlekettık qyzmet qūny da negızsız ösırılgen. Mäselen, negızgı qūny 30 myŋ teŋgege baǧalanǧan qyzmet 3,5 ese ösıp, 118 myŋ teŋgege teŋestırılgen jaǧdailar da anyqtalǧan. Eŋ soraqysy, biylǧy jyldyŋ qaŋtar aiynda tūrǧyn üiın zaŋdastyru boiynşa ötınış jasaǧan qala tūrǧyny ol qyzmetke 8 myŋ AQŞ dollaryn töleuge mäjbür bolǧan. Keiın mälım bolǧandai, qarjy jeke adamnyŋ qaltasyna tüsken. Qazırgı uaqytta osy faktı boiynşa qylmystyq ıs qozǧalǧan.
Keŋes otyrysynda sondai-aq Memlekettık kırıs departamentıne qarasty basqarma basşysynyŋ orynbasary A.Düisenovke qatysty tärtıptık ıs qaraldy.
Kün tärtıbındegı mäselelerdı jan-jaqty talqylaǧan keŋes müşelerı «Jer kadastry ǧylymi-öndırıstık ortalyǧy» RMK-nyŋ Astana qalalyq filialy basşylyǧynyŋ körsetıletın memlekettık qyzmetterge öz betınşe taǧaiyndaǧan «tärtıpterın» joiu, qyzmet körsetu salasynda zaŋ būzuşylyqqa jol bergen qyzmetkerlerge tärtıptık yqpal etu şaralaryn qoldanu jönınde şeşım qabyldady. Sondai-aq, Astana qalasy boiynşa Memlekettık kırıs departamentı basşysyna osy mekemege qarasty basqarma bastyǧynyŋ orynbasary A.Düisenovtı tärtıptık jazaǧa tartu turaly ūsynym joldau qajet dep şeştı.
M. NŪRYMŪLY, astana-akshamy.kz
